Último fecha pa inskribí pa É Kantadó Mayó.

Último fecha pa inskribí pa É Kantadó Mayó.

Manera ya nos a pùblika preparashon nan ta kanando zetá pa e festival É Kantadó mayó ku lo inisia dia 17 di mart próksimo ku e tres anochi nan preliminar i kulminá ku e anochi final djasabra dia 21 di mart aya na “kunuku di Shon Mi”.

Un lokalidat ku a ser transformá kaminda bo lo sinti bo den e ambiente di un kunuku pa biba e festival aki.

Fundashon Jag huntu ku Boldstarsz ke ofrese tur hende ku bini e festival aki un eksperensia úniko den ambiente di un kunuku.

Pa loke ta trata inskripshon pa e festival aki ya a habri i djadumingu awor partisipante nan por hasi esaki den e forma tradishonal kreativo ku nos a kustumbra ku’ne ultimo aña nan.

I pa 6 or di atardi lo sera inskripshon i tambe anunsia kuantu komposishon lo partisipá na e festival ariba menshoná.

E fecha aki tambe lo ta último oportunidat pa grupo nan ku ta bai partisipá na marcha nan di seú inskribí nan mes.

 

E aktividat aki lo kumisa 2 or di merdia i pa 6 or lo sera tur inskripshon.

 

Esaki lo tuma lugá djadumingu awor 8 di mart 2026 na Ultimate Automobiles na Seru di Domi