SDKK ta bishita Fuse Caribbean
SDKK ta bishita Fuse Caribbean
Willemstad: Resientemente un delegashon di Sentro di Detenshon i Korekshon Kòrsou a hasi un bishita di trabou na Fuse Caribbean (The Upcycling Factory).
E meta di e bishita aki tabata unu informativo kaminda por a sera konosi ku e planta di produkshon di e kompania i tambe e delegashon a haña un rekorido amplio den e planta di produkshon pa asina por a mira kon ta prosesá plèstik resiklá i ku finalmente ta bira palu pa traha material sostenibel.
Den kuadro di e bishita aki, e kompania lo bai tene workshòp na SDKK den e departamentu di Karpinteria pa asina e klientenan por haña konosementu kon nan por produsi diferente material ku e plèstik resiklá ku ta bira palu.
E delegashon di SDKK a keda sumamente satisfecho ku e bishita di trabou aki.