KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

POLITUR TA RISIBI 6 VEHIKULO NOBO

POLITUR TA RISIBI 6 VEHIKULO NOBO

 

Djárason dia 4 di yüni 2025, Politur a risibí 6 vehíkulo nobo for di fondonan ku a keda poné disponibel di e fondo di kriminalidat. Politur ta eksistí ya pa algu mas ku 13 aña i durante di e añanan tras di lomba el a sirbi sigur e sektor di turismo pero tambe komunidat den su totalidat. E tareanan prinsipal di Politur ta prevenshon, duna yudansa agudo i sosten (nazorg) na turistanan ku ta bishitá nos isla.

 

Politur ta pasando den un fase di reorganisashon, kaminda ta ampliando tantu e kapasidat komo remplaso i atkisishon di materialnan nobo pa e hasi su trabou di un manera profeshonal. Sigur mirando kresementu di turismo riba nos isla, ta importante pa invertí den seguridat di e bishitante durante di  hospedahe.

 

Den kuadro di esei, Minister di Hustisia mr. Shalten Hato, na 2024 a pone 1 mion florin disponibel pa e fundashon di manera ku nan por hasi nan trabou mihó i duna e servisio adekuá na turistanan. Ku e fondonan aloká aki, direktiva di Politur a kumpra 6 vehíkulo nobo, kual ta 2 pikòp Hilux i 4 RAV4, tur di e marka Toyota. Aktualmente Politur ta disponé di un flota di outo di kua 90 porshentu ta vehíkulonan di ‘lease’. Pues tabata mas ku nesesario pa e fundashon ta disponé di vehíkulonan nobo ku mester sirbi e propósito ku nan tin.

Resientemente Politur a risib 2 baiskel nobo nobo ku a hisa e kantidat di baiskel awor na 6.

Tambe ta remodelando tantu e ofisina prinsipal di Politur riba e tereno na Sambil i esun na Westpunt.

 

Ademas di esei, ta bai kumpra entre otro unifòrm nobo, drone i ekiponan di komunikashon pa e personal, mientras ku lo sigui kapasitá e miembronan di e tim. Pronto Politur lo ta mas aksesibel via medionan sosial, pa tantu nos hendenan lokal komo nos bishitantenan.

Direktiva i maneho di Politur ta sumamente gradisí na gobièrnu, prinsipalmente ministernan di Hustisia i di Ekonomia, pa kere den e vishon di e fundashon.

Politur lo sigui aportá pa huntu ku su partnernan manera Ofisina di Turismo i Kuerpo Polisial Kòrsou, hasi nos isla mas seif i sigur.

 

Leave a Reply

This site uses Akismet to reduce spam. Learn how your comment data is processed.