KOMUNIKADO DI PRENSA 226/2025
7 yüni 2025

Detenshon pa violashon di lei di arma di kandela

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 7 di yüni 2025 alrededor di 03.27’or, Sentral di Polis a keda notifiká di un
pleitamentu fuerte ku mester tin den Kaya Max Henriquez.
Un unidat polisial ku a bai na e sitio a bin komprondé ku un ratu promé tabatin un
interkambio di palabra i ku un di e partidonan na momentu ku e tabata bandoná e sitio, a lòs tirunan ku un arma di kandela.
Polis a hasi un investigashon den besindario i a bin topa den un outo stashoná riba e kaya ei, un pistol, ku a keda konfiská.
Tambe e unidat a topa ku 7 kashi di bala riba kaya ku a tuma pa hasi investigashon.
Na e sitio polis a detené doño di e vehíkulo den kua a enkontrá e arma di kandela.
Ta trata di e hòmber J.D.F. di 36 aña di edat nasé na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.