KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Dudley Lucia a ser eligí komo vice presidente pa asuntunan interinstitushonal di ODCA.

 


 

 

 

 

Dudley Lucia a ser eligí komo vice presidente pa asuntunan interinstitushonal
di ODCA.

Riba dianan 4 i 5 di yüni último a tuma lugá na Bogotá Colombia e di 24 kongreso statutario di
ODCA. Sr. Dudley Lucia den su kalidat di presidente di PNP i Renny Oehlers komo sekretario a
partisipá na e kongreso aki. ODCA ta para pa “Organización Democráta Cristiana de America”.
ODCA ta un organisashon internashonal ku tin afiliashon di representantenan di partidonan di
paísnan di Nord – Sentro – Sur Amerika i Karibe ku ta karga e ideologia Demókrata Kristian. ODCA
ta eksistí for di 23 di aprel di aña 1947. Tur e eks lidernan prominete di PNP manera Sr.Juancho
Everts (EPD), Sra.Maria Liberia-Peters, Sr.Rufo Mac William etc a haña nan formashon ideológiko
entre otro serka ODCA.
E lider aktual di PNP sra. Ruthmilda Larmonie-Cecilia tambe a yega di partisipá na varios
aktividatnan organisá pa ODCA. Despues ku PNP tabata pa algun aña inaktivo den ODCA, e
presidente aktual sr Dudley Lucia a tuma e desishon pa re-aktivá PNP su partisipashon atrobe den
ODCA. Mester bisa ku di parti di Bonaire Sr. Caryl ‘Hans’ Els ta aktivo pa UPB i ketu bai den
ODCA i tambe Sr. Mike Eman pa Aruba. Mirando ku Sr. Mike Eman a kaba di tuma e enkargo di
minister presidente di Aruba ela wordu supstituí pa e parlamentario di AVP Sr. Clifford Heyliger
ku ta lider di frakshon di AVP den parlamento.
Durante di e kongreso ku a tuma lugá dia 4 i 5 di yüni, kaminda a skohe un direktiva nobo, Sr.
Dudley Lucia a wòrdu eligí komo vise presidente enkargá ku asuntunan interinsitushonal. Durante
di e kongreso tabatin diferente “guest speaker” di kaliber haltu, tantu di Amerika Latina komo di
Oropa. A atendé varios tema polítiko relevante pa mundu manera e efekto di medidanan tumá pa
Donald Trumph riba mundu i kon nos region por organisá i uni huntu pa mitigá e efektonan.
Tambe un tópiko manera e relevansia di “Soft-Power” a bin dilanti, i e futuro di e promoshon
internashonal di demokrasia i e rol di e retnan internashonal di partidonan polítiko.
Sr Dudley Lucia tin e firme konvikshon ku e partisipashon di PNP den aktividatnan di ODCA lo
tin un balor agregá grandi pa Partido Nashonal di Pueblo. Esaki prinsinpalmente pa e formashon di
nos polítikonan hoben i nobato ku drenta polítika. Lo atendé den direktiva di partido kon por sóru
pa prinsinpalmente nos hoben logra haña formashon atrabes di kursonan ku ODCA ta ofrese. Den
ODCA tin un ala prinsinpalmente pa hobennan ku jama JUDCA ( Juventud Demócrata Cristiana
de America) i tambe tin un ala pa damanan ku yama MUDCA. (Mujeres Demócrata Cristiana de
America.) Tur e seshonnan di e kongreso a tuma lugá den e salanan di e senado di Colombia na
Bogotá. E aktual presidente di senado Dr. Efraín Cepeda Sarabia ta un ferviente Demokrat Kristian.
KvKnr. 121234 ● MCB kuenta nr. 69837007 ●Facebook: PartidoNashonal di Pueblo●info@pnp.cw
Den un komberashon basta profundo ku Sr. Dudley Lucia a hiba kune ela splika ku tin un tenshon
enorme aktualmente entre presidente Petro i senado. E motibu ta ku senado no ta di akuerdo ku
mayoria di e intenshon nan di e presidente, ningun di su leinan no ta hañando sosten di senado.
Presidente Petro a disidi awor ku e kier bai tene un konsulta popular pa haña pueblo su opinion riba
varios “issue”. Otro aña na mart lo tin elekshon pa senado i na mei pa elekshon presidensial. Den
ambiente bastante hostil aki ku ta indiká ku kampaña ya a inisiá, a tuma lugá un atentado hopi
lamentabel kontra di bida di un senador hoben di 39 aña di edat. PNP a manda un karta di rechazo
kontra violensia i manifestá solidaridat ku e viktima i su famia.
Presidente PNP
Dudley Lucia

 

 


 

 

639114718427035"
639114718427035"