Komunikado di Kuerpo Polisial Korsou: Kaso di tiramentu ku morto
Komunikado di Kuerpo Polisial Korsou
230/2025
9 yüni 2025
Kaso di tiramentu ku morto
Djaluna dia 9 di yüni 2025 alrededor di 02.17or di mardugá, Sentral di Polis a risibí informashon ku tin un kaso tiramentu ku a tuma lugá riba Kaya Helmin Magno Wiels Boulevard.
Segun investigashon di e promé unidat na e sitio a sali na kla ku un vehíkulo deskonosí lo mester a persiguí e vehíkulo den kua e hòmber víktima tabata.
Durante di e persiguishon e sospechosonan tabata lòs varios tirunan for di arma di kandela dirigí riba e víktima.
Na altura di lus di tráfiko na krusada Moonchiweg e hòmber víktima a aksidentá kontra di un muraya.
Ambulans a yega rápido na e sitio i a transportá e víktima pa CMC bou di kondishon krítiko.
Na yegada na CMC dòkter a konstatá morto di e hòmber Tibary Cardyoles Adriano Keep nasé dia 8 di sèptèmber 1998 na Hulanda.
Na e sitio polis a konfiská algun kashi di bala i e vehíkulo den kua e víktima tabata, a wòrdu konfiská.
Riba òrdu di Fiskal di Ministerio Públiko a konfiská e kurpa pa mas investigashon.
639114718427035"
639114718427035"