Blue Bay Resort ta amplia ku mas kapasidat turístiko

Blue Bay Resort ta amplia ku mas kapasidat turistiko

Willemstad – Minister Charles Cooper, huntu ku e Servisio di Planifikashon Urbano (ROP), a otorgá ofishalmente un pèrmit di konstrukshon na Blue Bay Apartments N.V. pa desaroyo di un hotèl den zona turístiko di Blue Bay Resort.
E proyekto nobo, yamá ‘The Lotus’, ta konsistí di 14 villa riba nan mes ku nan propio pisina privá, i un komplejho di apartamènt ku 8 kas ku propio pisina ‘plunge’. Tur kas tin 3 kamber ku 3 baño. E proyekto ta ser konstruí riba un tereno BR-51 ku un área di aproksimadamente 11.000 m² den e resort.

‘The Lotus’ a wòrdú diseña pa e arkitekto lokal Bo! Arkitektura, i e diseño di interior ta obra di Osiris Hertman Studio di Hulanda. E proyekto ta ideal pa propietarionan i bishitantenan ku ta buska espasio, luho i privasidat, i ta kombina bon ku e demanda di vakashon di haltu nivel na Kòrsou. E proyekto ta kumpli ku e tipo di bishitantenan di estadia largu di Blue Bay komo un resort integrá ku playa, kampo di gòlf i servisionan kulinario.

E konstrukshon a kuminsá formalmente den yüni 2025, i ta spera pa medio 2027 esaki terminá. E invershon total ta un montante di mas o menos di XCG 30 mion. Pa mas informahon pa invertí den un proyekto úniko tur interesado por subi nan página di web: bluebay-realestate.com òf realestate@bluebay-curacao.com.