Aserkamentu entre polis i dama ku komportashon indeseá


KOMUNIKADO DI PRENSA 247/2025
18 yüni 2025
Aserkamentu entre polis i dama ku komportashon indeseá
Departamentu di Komunikashon i Prevenshon
KUERPO POLISIAL KÒRSOU
SIRBI I PROTEHÁ
Djamars 17 di yüni 2025 polis a risibí na warda di reshèrshi, e dama ku den fin
di siman último tabatin un komportashon indeseá kontra outoridat den Punda,
na momentu ku el a keda pará durante di un kontròl di tráfiko den Punda.
E aktitut tantu di e dama komo esun di polis tabata motibu pa basta
komentario den nos komunidat último dianan.
Sinembargo durante di e bishita di e dama na warda, a sali na kla ku riba e dia
enkestion, e dama tabatin un situashon personal pa dil kune, ku a sòru pa un
desbalanse di su estado emoshonal.
Esaki bou di ningun sirkunstansia ta hustifiká tal proseder. Pero e aktitut
táktiko i profeshonal di e polis na e momentu ei, sin tabata na altura di e
kondishon personal di e dama, afortunadamente no a kontribuí na eskalashon
di e situashon.
E dama a rekonosé ku el a faya ku outoridat i ta lamentá ku el a tuma tal
aktitut.
Di otro banda polis tambe a komprondé e situashon ku e ta pasando aden,
ounke ta keda un echo kastigabel, insultá un agente polisial den su funshon.
Kuerpo Polisial ta reiterá ku insulto no ta aseptabel i polis lo aktua kontra di
esaki.
Finalmente e dama lo tin ku bai responsabilisá su mes si pa e prosès verbal ku
el a haña pa manehá un vehikulo sin reibeweis.
Ku esaki tambe, Kuerpo Polisial di su parti a konkluí e kaso aki.
