Plenchi ta organisá marshe di trabou pa hóben
Plenchi ta organisá marshe di trabou pa hóben
Riba djabièrnè 20 di yüni 2025, Plenchi di Trabou ta organisá ‘Youth Job Fair’ spesialmente pa hóbennan di 15 pa 21 aña. Durante e marshe di trabou aki, studiante- i empresanan ta bin huntu bou di un dak pa papia tokante fakansi djòp, djòp partaim, i posibilidat pa futuro karera.
E ‘Youth Job Fair’ lo bira un dia interaktivo yen di aktividat agradabel i instruktivo. Di tayer útil tokante kon bo ta traha un bon cv te ku tepnan tokante kon bo por presentá bo mes durante un entrevista pa trabou. Bo por ‘speeddate’ (konosé vários hende lihé den un konteksto organisá) ku dunadónan di trabou i deskubrí direktamente kua fakansi djòp òf partaim djòp ta pas ku bo. Tambe lo tin oradónan pa motivá, ku ta konta tokante nan propio kaminda pa éksito i ku ke inspirá bo pa saka lo mehor for di bo mes, tantu na skol komo den bo estudio mas aleu.
E ‘Youth Job Fair’ no ta pa hóben so. Mayornan ta mas ku bon bini pa bin huntu ku e hóbennan, hasi pregunta i deskubrí e posibilidatnan huntu ku nan yu.
Fuera di tur informashon tokante trabou i estudio, ta klaro ku tambe tin espasio pa pasa bon. Pensa riba entretenementu, sorpresa agradabel i dushi snèks i kos di bebe. I ken sa, kisas aweró bo ta kana bai pafó ku un fakansi djòp òf un djòp partaim nobo reglá!
Lokalidat: Biblioteka
Fecha: Djabièrnè 20 di yüni 2025
Orario: 9 or di mainta pa 5 or di atardi
Pasa, deskubrí e djòpnan di fakansi i djòpnan partaim di mas mihó, laga inspirá bo mes i hasié un dia plasentero i instruktivo.