A firma un akuerdo ku e organisashon Asosahon Paso Fino Kòrsou mihó konosi komo ASPAFIKO
Tráfiko, Transporte i Planifikashon Urbano
A firma un akuerdo ku e organisashon Asosahon Paso Fino Kòrsou mihó konosi komo ASPAFIKO
Publiká riba 19 Yüni 2025
Dia 17 di yüni 2025 Minister di Tráfiko, Transporte i Planifikashon Urbano, Sr. Charles Cooper, huntu ku kolega Minister di Enseñansa, Siensa, Kultura i Deporte, Sr. Sithree van Heydoorn a firma un akuerdo di maneho ku e organisashon Asosahon Paso Fino Kòrsou mihó konosi komo ASPAFIKO pa desaroyo di un pa deporte di kabai.
Korementu di kabai na Kòrsou a subi e último añanan, ku un oumento remarkabel den popularidat bou di hóbennan, i e manera kon Kòrsou su nòmber ta zona internashonalmente ku resultadonan grandioso.
Pa e motibu aki, ASPAFIKO su mishon ta pa siguí profeshonalisá e deporte i na mes momentu agregá balor sosial na e komunidat di Kòrsou.
Esaki ta trese diferente benefisio kuné, manera un infrastruktura deportivo mehorá ku fasilidatnan di entrenamentu. Oumentá seguridat i bienestar di hende i bestia. Desaroyá programanan sosial, inkluyendo kuido di salú mental. I ankrando Kòrsou komo e destinashon pa turismo di kabai i kompetensianan internashonal.
