ARCADE CURAÇAO ta habri su portanan na Renaissance Mall Un espasio yen di dibertishon pa henter famia
ARCADE CURAÇAO ta habri su portanan na Renaissance Mall
Un espasio yen di dibertishon pa henter famia
WILLEMSTAD: Despues di algun luna di preparashon i antisipashon, djabièrnè último a habri portanan di ARCADE CURAÇAO ofisialmente. Un espasio nobo na Wind Creek Curaçao, diseñá pa ‘gaming’ i un variedat di weganan di interakshon dibertido . ARCADE ta habrí pa tantu huéspet, bishitantenan lokal i turista.
Entrante djabièrnè último, bishitantenan por disfrutá di e ‘arcade’ tur dia for di 2:00 PM pa 9:00 PM. Ta un espasio emoshonante pa entretené tur edat, spesialmente nos muchanan, miéntras ku mayornan ta disfrutá i relahá na Renaissance Mall & Rifort òf na un di e fasilidatnan ku Wind Creek Curaçao ta ofrese. ARCADE CURAÇAO ta situá den Renaissance Mall, nèt banda di 5 o’Clock Somewhere.
E ‘arcade’ ta un espasio yen di dibertishon pa famia i amigunan, i ta proveé un ambiente interaktivo. Ta inkluí weganan manera hockey di mesa, ‘mashinnan di gara’, weganan di kompetensia, ‘racing’, aventura i un sistema di rekompensa basá riba karchi kaminda hungadónan por gana premio. ARCADE CURAÇAO den kolaborashon ku 5 o’Clock Somewhere ta ofresé paketenan spesial pa selebrashon di kumpleaño. Muchanan di 1 pa 12 aña mester ta kompañá pa un adulto (18+).
Selebrá kumpleaño na ARCADE CURAÇAO!
ARCADE CURAÇAO ta ofresé un lugá nobo i emoshonante pa selebrashon di kumpleaño. Un Pakete di Kumpleaño ta konsistí di benefisionan eksklusivo, manera puntonan di wega bónùs p’e yu ku ta selebrando i su invitadonan durante 1 ora i mei di dibertishon. Pa selebrá apertura di ARCADE CURAÇAO, tur esnan ku reservá un Pakete di Kumpleaño durante e promé luna lo risibí 30 minüt adishonal di tempu di wega, esaki ta ekstendé e dibertishon na 2 ora kompletu! E pakete spesial ta rekerí reservashon di antemano.
Pa mas informashon por yama 435.5000 òf email dbacuna@curacaorenaissance.com. Sigui ARCADE CURAÇAO riba Facebook\ArcadeCuracao, Instagram\@arcadecuracao pa tur aktualisashon.
—
Gerente General di Renaissance Wind Creek Curaçao Resort sra. Averilette Francis a primi e ‘boton ofisial’ pa tur wega por a kuminsá den e ‘arcade’, ku ta primintí di bira un espasio di dibertishon eksitante pa henter famia.
