KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

KPC SU INKAPASIDAT PA TRAHA BON RELATO DI PRENSA.

 

KPC SU INKAPASIDAT PA TRAHA BON RELATO DI PRENSA.
Relashoná ku e suseso den Punda den kua un señora a insulta un agente polisial ku tabata ehekutando un kontròl di trafiko, KPC a saka un komunikado di prensa no. 239/2025.
E komunikado tin mas e karakter di un kangamentu di saya di KPC ku e ta informa pueblo.
Tur polis ta siña durante nan formashon komo agente polisial ku ku ora ta relata un suseso opinion di esun ku ta raporta no ta relevante. Relevante ta e echos di loke a sosodé; kiko por a mira, tende, ole, pruf i fula. Sinembargo den e komunikado aki KPC ta skohe pa yama aktitut di e señora bochornoso,onbeskòp i sumamente baho, ku ta interpretashon di KPC di e komportashon  di e señora. Den niun rapòrt polis no a supone di skirbi e kosnan ei. Ademas den e komunikado tin skirbí ku algu “tabata motibu sufisiente pa e dama kuminsa insulta” ets. KPC no por sa kiko tabata e motibu pa e komportashon ei di  e señora na e momentu ei. Echo ta ku e señora reakshona ku un bos di pelea usando palabra insolente dirigí na e agente polisial. Nada mas e agente ni KPC no por a  sa na e momentu ei. Tur otro remarke ta spekulashon.
E komunikado ta menshoná ademas ku Kuerpo Polisial bou di ningun sirkunstansia lo tolerá e tipo di aktitut aki i muchu menos durante ahekushon di trabou polisial. Anto ta hustamente loke KPC ta skirbi ku e no ta tolerá, a ser tolerá. A tolerá ekspreshon di palabra insolente den publiko i insulto di un empleado pùbliko. Eseinan ta violashon di artikulo 5 di Ordenansa Públiko ku ta referá na distorbio di orden públiko entre kua no kumpli ku intrukshon di polis i artikulo 39a di Ordenansa di Orden Públiko, ku ta dedika na insulto di empleado públiko. E agente polisial a mira i tende loke a sosodé i e no a hasi su trabou. Esta di mantené orden públiko.   E tabata tin diferente opshon pa aktua. E por a arestá e señora òf e por a pidi asistensia di kolega pa hasi esei. Warda di polis ta serka den Punda ei.
KPS ta usa agente polisial pa hasi e trabou di relashon públiko, mientras ku e tarea ei ta un profeshon riba su mes. Den un relato di un organisashon manera KPS no por usa palabranan manera KPC a hasi den e komunikado i e prensa ‘ki.

639114718427035"
639114718427035"