Fundashon Negoshi Pikiña & GEW Curaçao ta anunsiá: ‘Business Hall of Fame’ pa Kòrsou
Willemstad: 26 di yüni 2025
Komunikado pa prensa di Fundashon Negoshi Pikiña
Fundashon Negoshi Pikiña & GEW Curaçao ta anunsiá: ‘Business Hall of Fame’ pa Kòrsou
WILLEMTAD – Despues di algun aña ta traha riba plan i preparashon di un Curaçao Business Hall of Fame, Fundashon Negoshi Pikina (FNP) i Global Entrepreneurship Week Curaçao ta kontentu ku finalmente por anunsiá ku pronto lo lansa ‘Curaçao Business Hall of Fame’. E ta un manera pa onra emprendedónan modelo ku a moldia mundu di negoshi na Kòrsou.
“E proyekto aki tabata den desaroyo den silensio pa un tempu kaba, i awor, na okashon di 25 aña di FNP, nos a pensa ku ta un momentu ideal pa nos anunsiá komunidat di Kòrsou ku nos ta kla pa lansa ‘Business Hall of Fame’. Lo selebrá esaki huntu ku esnan ku a pensa, krea, riska, inová i traha duru pa habri kaminda pa emprendedónan di generashonnan ku ta sigui nan,” sra. Elgenia Pieternella, Presidente di FNP i GEW Curaçoa a bisa.
“Nos ta lansá e inisiativa aki riba Dia di Empresario, 27 di yüni, un dia durante kua gobièrnu di Kòrsou i diferente ‘stakeholder’ ku ta traha na progreso di e emprendedónan ta selebrá balor di e empresario pa nos komunidat. Riba Dia di Empresario, FNP i GEW Curaçao tambe ta tira lus riba e ròl vital di e emprendedó pa nos ekonomia i sosiedat.”
“Nos tambe ta uni na felisitá i gradisí e organisashonnan ku ta duna kontenido na ‘Dia di Empresario’ manera entre otro Ministerio pa Desaroyo di Ekonomia (MEO), Kámara di Komèrsio, ADECK i Mi Negoshi. E aporte di e organisashonnan aki i otronan pa desaroyo i progreso di negoshinan lokal ta inspirativo,” Sra. Pieternella a sigui bisa
“Nos ta rekomendá pa ta pendiente den simannan benidero ku nos ta bai kompartí e logo di Busines Hall of Fame, e imágen korporativo i informashon mas detayá di e proyekto. Asina nos ta aportá ku nos granito pa huntu no onra legado di nos empresarionan i inspirá e empresarionan di futuro.”
Nos lo sigui informá di mas plannan den kuadro di selebrashon di 25 aña di Fundashon Negoshi Pikiña (FNP) i e di 11 aña di Global Entrepreneurship Week Curaçao. Pa kontakto por manda nos un E-mail na board@gewcuraçao.com òf por manda nos un app na +599 9 560 8284.
# # #