KOMUNIKADO DI KUERPO POLISIAL KORSOU: Aksidente ku morto

KUERPO POLISIAL KÒRSOU

 

KOMUNIKADO DI PRENSA 264/2025

29 yüni 2025

Aksidente ku morto

Djasabra 28 di yüni 2025 alrededor di 11.52’or, Sentral di Polis a risibí notifikashon di un kaso kaminda un hòmber a kai for di un dak di un kas den Mahuma Kaya L. Na yegada di e unidat polisial a bin topa ku un hòmber drumí abou den un kas den konstrukshon.

For di investigashon ku polis a hasi na e sitio a sali na kla ku e hòmber aki tabata hasi trabou riba e dak pa motibu te ainda deskonosí e dak di e kas a bin abou kune.

Ambulans ku a presentá na e sitio a konstatá ku e hòmber no tabata duna señal di bida.

Alrededor di 13.40’or dòkter di polis a konstatá morto di e hòmber, Zheronimo Felecito Hous, nasé na Kòrsou, dia 7 di mart di 1981.

Riba òrdu di Fiskal di Ministerio Públiko e kurpa a wòrdu konfiská pa por investigá e kousa di morto.

Investigashon den e kaso aki ta kontinuá.