KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

VIGOR ta risibí fasilidatnan di Emmastad i un konsepto di akuerdo / VIGOR ontvangt Emmastad-faciliteiten en conceptovereenkomst

Asuntunan General i Promé Minister

 

VIGOR ta risibí fasilidatnan di Emmastad i un konsepto di akuerdo

Publiká riba 01 Yüli 2025

TRASPASO DI E FASILIDATNAN NA EMMASTAD PA VIGOR MIDSTREAM I VIGOR TA RISIBÍ KONSEPTO DI E AKUERDO KU GOBIÈRNU

WILLEMSTAD – Promé Minister Pisas ta anunsiá ku desde promé di yüli 2025, e fasilidatnan di refineria na Emmastad ta keda ofisialmente traspasá di 2BAYS Curaçao N.V. (despues: 2BAYS) pa Vigor Midstream Inc. (despues: Vigor). Esaki ta kompletamente konforme planifikashon i un paso importante den implementashon di e Akuerdo di Hür ku a keda será, eksaktamente un aña pasá dia 1 di yüli 2024 entre 2BAYS i Vigor, pa maneho di e instalashonnan di refineria na Bullenbaai i Emmastad. E fasilidatnan na Bullenbaai ya a wòrdu traspasá fo’i dia 1 di desèmber 2024 ku éksito pa Vigor. E implementashon di e Akuerdo di Hür ta kasi kompletamente riba skema despues di e traspaso pa Vigor di e fasilidatnan na Emmastad. Na mes momento ku e traspaso di e fasilidatnan di Emmastad tuma lugá, e estudio ambiental di tres aña (“Environmental Baseline Study”) tambe lo kuminsá kana.

Apesar di e preokupashonnan ekspresá den medionan di komunikashon dor di sierto partidonan, inkluyendo un supuesto paro den ehekushon di e Akuerdo di Hür entre 2BAYS i Vigor, gobièrnu ta konfirmá lo kontrario. A base di investigashonnan finansiero realisá pa 2BAYS por konkluí ku Vigor ta kompletamente bei ku tur pago di hür na 2BAYS, ku Vigor tin sufisiente kapasidat finansiero (“prueba di fondo”) pa ehekushon di e aktividatnan na Kòrsou, ku Vigor tin sufisiente posibilidat den su ret global pa optené krudo i/òf derivadonan di esaki pa su aktividatnan na Kòrsou (“prueba di materia prima”) i ku Vigor ta kumpli ku e kondishonnan finansiero i otro kondishonnan stipulá dor di 2BAYS (den kuadro di e Akuerdo di Hür firmá 1 di yüli 2024) i gobièrnu (en bista di e Akuerdo ku Gobièrnu ku ta den fase final).

Ademas, den términonan operashonal, e promé deskarga na Bullenbaai a tuma lugá kaba, mientras ku e demanda pa kapasidat di almasenamentu (na Bullenbaai) a oumentá pa motibu di desaroyonan den merkado mundial. Tambe Vigor a terminá e estudionan tékniko di e fasilidatnan na Emmastad, ku a indiká ku di 100 tanki ku a hasi inspekshon, un kantidat di 40 tanki ta kla pa uso mesora i por hasi alrededor di 60 otro tanki adekuá pa uso ku ahustenan mínimo. Ademas di esakinan, Vigor a kuminsá entrená e personal tékniko, prinsipalmente trahadónan lokal i nan a inisiá e proseduranan pa un destaho públiko pa e trabounan ku mester wòrdu realisá dor di kontratistanan lokal den e promé fase i durante implementashon di e estudio ambiental di tres aña. Konsiderando tur esaki, 2BAYS a konfirmá na gobièrnu ku Vigor ta aktuando di forma profeshonal, konfiabel i ambisioso durante e fase akí di implementashon di e Akuerdo di Hür.

Segun Promé Minister Pisas un ke otro ta un indikashon fuerte ku tur partido, esta 2BAYS, Vigor i gobièrnu mes, ta trahando ku hopi dedikashon riba un desaroyo industrial duradero, kreando perspektiva, kuponan di trabou i rekuperashon ekonómiko den e sektor importante akí di nos ekonomia. Promé Minister Pisas ta deklará mas aleu ku: “último lunanan e partidonan a traha intensivamente huntu pa establesé un fundeshi sólido pa un operashon sostenibel di e fasilidatnan di e refineria na Bullenbaai i Emmastad. Ku finalisashon eksitoso di e aktividatnan den e promé fase di implementashon akí, ta bisto ku Vigor ta kla pa kuminsá traha komo un partner konfiabel na Kòrsou”.

Komo resultado di e desaroyonan akí i e informenan di 2BAYS, Promé Minister Pisas awe a presentá na e doño di Vigor un konsepto di e Akuerdo entre Gobièrnu i Vigor (“Government Agreement”). E akuerdo akí ta regla, pa e durashon di e Akuerdo di Hür, e derechonan (inkluso fasilidatnan fiskal) i obligashonnan di Vigor i e divishon di responsabilidat entre Pais Kòrsou, Vigor i e kompanianan di gobièrnu ku ta aktivo riba e terenonan di e refineria na Emmastad i Bullenbaai. Un di e obligashonnan mas importante di Vigor ta implementashon di e eksigensianan ambiental basá riba e Ordenansa Nashonal pa Eksigensianan na Kalidat di Aire ku ta vigente fo’i 1 di yanüari 2025. Di akuerdo ku e legislashon ambiental nobo akí, límitenan internashonalmente aseptá (i mas estrikto) ta wòrdu fihá pa konsentrashonnan permisibel di “fijnstof” i “stikstofdioxide” (NO2) den aire liber, ku e meta pa mehorá kalidat di aire i protehá e salú di nos poblashon.

Den e periodo ku ta bini Vigor lo drenta den diálogo ku e instansianan gubernamental konserní i tambe e kompanianan di gobièrnu ku ta aktivo riba e terenonan di refineria na Emmastad i Bullenbaai, pa asina finalisá e Akuerdo ku Gobièrnu.

 


 

 

Algemene Zaken en Minister President

 

VIGOR ontvangt Emmastad-faciliteiten en conceptovereenkomst

Geplaatst op 01 07 2025

OVERDRACHT VAN DE FACILITEITEN IN EMMASTAD AAN VIGOR MIDSTREAM EN VIGOR ONTVANGT CONCEPTOVEREENKOMST MET DE OVERHEID

WILLEMSTAD – Premier Pisas maakt bekend dat vanaf 1 juli 2025 de faciliteiten van de raffinaderij in Emmastad officieel door 2BAYS Curaçao N.V. (hierna: 2BAYS) aan Vigor Midstream Inc. (hierna: Vigor) worden overgedragen. Daarmee wordt een belangrijke stap gezet in de uitvoering van de Lease Agreement die een jaar geleden op 1 juli 2024 werd gesloten tussen 2BAYS en Vigor voor het beheer van de faciliteiten van de raffinaderij te Bullenbaai en Emmastad. Op 1 december 2024 zijn reeds de faciliteiten te Bullenbaai succesvol overgenomen door Vigor en met de overdracht vandaag van het beheer over de faciliteiten te Emmastad is de implementatie van de Lease Agreement nagenoeg geheel op schema. Tegelijkertijd met de overname van de faciliteiten te Emmastad door Vigor start de driejarige implementatie van de “Environmental Baseline Study”.

Ondanks zorgen die door bepaalde partijen in de media zijn geuit, onder meer over vermeende stilstand bij de uitvoering van de Lease Agreement tussen 2BAYS en Vigor, bevestigt de regering het tegendeel. Op basis van door 2BAYS uitgevoerde financiële onderzoeken kan worden geconcludeerd dat Vigor volledig bij is met alle leasebetalingen aan 2BAYS, er sprake is van voldoende en aantoonbare financiële draagkracht (“proof of funds”) van Vigor voor de uitvoering van de activiteiten, Vigor binnen het kader van haar wereldwijde netwerk voldoende mogelijkheden heeft om aan olie c.q. derivaten daarvan te komen voor haar Curaçaose activiteiten (“proof of raw materials”) en dat Vigor de door 2BAYS (In het kader van de reeds ondertekende Lease Agreement) en de regering (met het oog op de nog overeen te komen Government Agreement) gestelde financiële en overige voorwaarden nakomt.

Voorts heeft in operationele zin de eerste lossing in Bullenbaai reeds plaatsgevonden, terwijl door ontwikkelingen in de wereldmarkt de vraag naar opslagcapaciteit (te Bullenbaai) alleen maar is gegroeid. Voor Emmastad heeft Vigor overigens de technische assessments afgerond waaruit gebleken is dat van 100 tanks, een aantal van 40 tanks per direct inzetbaar zijn en zo’n 60 andere tanks met minimale aanpassingen geschikt te maken zijn voor gebruik. Ook is Vigor begonnen met inwerken van het merendeels lokale technisch personeel, evenals het uitrollen van de aanbestedingsprocedures voor de werkzaamheden die door lokale aannemers moeten worden uitgevoerd in de opstartfase en gedurende de implementatie van de driejarige “Environmental Baseline Study”. Dit alles overziende heeft 2BAYS aan de regering bevestigd dat Vigor zich gedurende de implementatiefase van de Lease Agreement professioneel, betrouwbaar en ambitieus heeft opgesteld.

Volgens Premier Pisas wordt hiermee bevestigd dat alle partijen, namelijk 2 BAYS, Vigor en de regering, met grote toewijding werken aan duurzame industriële ontwikkeling, het creëren van werkgelegenheid en economisch herstel in deze belangrijke sector voor onze economie. Premier Pisas verklaart verder dat: “de afgelopen maanden partijen intensief hebben samengewerkt om een solide basis te leggen voor de duurzame exploitatie van de faciliteiten van de raffinaderij. Met de succesvolle afronding van de activiteiten in deze eerste implementatiefase is het duidelijk dat Vigor klaar is om als een betrouwbare zakenpartner op Curaçao aan de slag te gaan”.

Als gevolg van deze ontwikkelingen en de rapportages van 2BAYS heeft Premier Pisas vandaag een concept van de door de regering voorbereidde “Government Agreement” aan Vigor aangeboden. Deze overeenkomst regelt, voor de duur van de Lease Agreement, de rechten (waaronder fiscale faciliteiten) en plichten van Vigor en de verdeling van verantwoordelijkheden tussen het Land Curaçao, Vigor en de overheidsondernemingen die op de terreinen in Emmastad en Bullenbaai werkzaam zijn. Tot de belangrijkste verplichtingen van Vigor behoort de uitvoering van de milieueisen op grond van de Landsverordening Luchtkwaliteitseisen. Ingevolge deze nieuwe milieuwetgeving worden internationaal aanvaarde (en strengere) grenswaarden gesteld aan toelaatbare concentraties van fijnstof en stikstofdioxide (NO2) in de buitenlucht, met als doel de luchtkwaliteit te verbeteren en de gezondheid van de bevolking te beschermen.

De komende periode zal Vigor in gesprek gaan met de relevante overheidsinstanties, alsmede de overheidsondernemingen die op de terreinen in Emmastad en Bullenbaai werkzaam zijn, om de Government Agreement af te ronden.

 

639114718427035"
639114718427035"