KOMUNIKADO DI PRENSA 269/2025
3 yüli 2025

Detenshon relashoná ku violensia relashonal i menasa

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 3 di yüli 2025 alrededor di 01.40’or, Sentral di polis a dirigí un unidat polisial pa un kas na Kaya Bactris pa un kaso di violensia relashonal i menasa.
For di investigashon ku polis a hasi na e sitio a sali na kla ku despues di un diskushon, e
hòmber èks pareha di e dama lo a maltrat’é i menas’é.
Na e sitio polis a detené e hòmber S.M.L. di 23 aña di edat nasé na Hulanda, relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.