7 aña konsekutivo ADC ta organisá ADC BIOSCH Awards
Pa di 7 aña konsekutivo ADC ta organisá ADC BIOSCH Awards, kaminda nos komo laboratorio nashonal ta premia e alumnonan di èksamen klas di VSBO (T.K.L), HAVO i VWO, ku a slag ku e sifranan mas haltu pa e materianan Biologia i Kímika. Esakinan ta forma base pa estudio- i kareranan den e mundu di siensia i laboratorio.
Riba 1 di yüli último, e seremonia di BIOSCH awards a tuma lugá na Mondi Beach Club. Tur e almunonan ganadó tabata tei presente, huntu ku nan mayornan, dosente (di e materia) i tambe algun spònsor (The Movies Curaçao, Karakol N.V. i Lapal Group) ku a kontribuí ku un regalito pa e hóbennan. Tabata un atardi ameno, ku bon músika di un dj hóben lokal; DJ Jeay akompañá pa maestro di seremonia i alabes nos embahador Chris Strick.
