Moshon di dia 17 di desember 2019 ku a keda rechasa ku 6 pro I 12 kontra Esaki a keda trata den e reunion publiko di awe 21 yanuari 2020 enkuanto Giro Bank.

 

 

                    MOSHON 

 

Reunion públiko di djamars 17 desèmber 2019

 

Konsiderando ku;

 

• For di 2013 Centrale Bank van Curaçao en Sint Maarten CBCS, a pone Giro Bank bou di supervishon.
• Sinenbargo e suma di debe a krese di 100 mion te mas ku 700 mion na fin di 2019.
• CBCS ta fundeshi di bo Pais i mester ta intachabel.
• Pa mas ku 7 aña CBCS ta den lus negativo tantu lokal komo international
• Lus negativo riba CBCS a afektá konfiansa i tambe nos ekonomia negativamente. 
•  Mester restourá konfiansa bek di CBCS tantu lokal komo international mas pronto ku ta posibel.
• For di 2012  Algemene Rekenkamer Curaçao a duna rekomendashon den su rapòrt riba CBCS pa bini ku un Landsbesluit Deposito Garantiestelling i miéntras ku ta awor numa a inisiá e proseso aki.
• Te ainda klientenan ku tin nan sèn na Giro ta den insertidumbre tokante restitushon di nan sèn.
• Bou di supervishon di Gerente di Giro Bank froude a ser kometé.
• Den tempu prekario/krísis a parti bónus na personal di CBCS ku tabatin supervishon riba Giro Bank. 
• 25 mil kliente di Giro Bank no tin akseso kompleto na nan montante depositá.
• Komo representante di pueblo, Parlamento mester asumí nos responsabilidat.

 

Ta disidí:

 

1. Pa urgí minister di finansa di Kòrsou huntu ku e minister di finansa di Sint Maarten retirá tantu e hunta di komisario i hunta di direktiva  i inisiá un investigashon forensiko i kuminsá ku un hunta di komisario i hunta di direktiva nobo na CBCS

 

I ta pasa pa órden di dia.

 

Cc: Gobernador sra. L. George-Wout

       Gabinete Rhuggenaath

       Parlamento di Sint Maarten

 

 Firmantenan : M. Moses (MP)  J. Cordoba (PS) C. Cooper (MFK)  G. Doran (MFK)  

1. Pisas (MFK) J. Constancia  (MFK)