Di Korsou pa Mundu

Awe djadumingu 4 di òktober 2026, na Soto Promé Minister Pisas huntu ku su koleganan i parlamentarionan a sera Siman di Kultura 2026, un siman dediká na selebrashon di nos kultura, nos talento i baluartenan ku ta aportá pa halsa nòmber di Kòrsou.

E aña aki, bou di e tema “Di Kòrsou pa Mundu”, nos a honra dos persona ku kada un riba su propio tereno a kontribuí na proyektá Kòrsou mas leu ku nos kostanan: sra. Izaline Calister, pa su aporte balioso na músika i kultura, i sr. Urny Florán, pa su enorme dedikashon na beisbòl, formashon di nos hubentut i su aporte na nivel internashonal.

E Santu sakrifisio di misa aki na Soto ta bira ainda mas speshal mirando ku awe nos ta selebrá Dia di Banda Abou. Un bon oportunidat pa sigui balorá e historia, kultura, naturalesa i komunidatnan ku ta hasi nos Dushi Banda Abou asina úniko.

Pabien na sra. Izaline Calister I sr. Urny Florán ku e meresido rekonosementu, i pabien na tur habitante di Banda Abou ku nan dia!

Laga nos sigui selebrá nos kultura, nos talento i e orguyo di ta yu di Kòrsou.