MISS DUTCH CARIBBEAN SHASHINDUSKA NAZIR DI TRES FINALISTA DI MISS UNIVERSE NETHERLANDS 2025
MISS DUTCH CARIBBEAN SHASHINDUSKA NAZIR DI TRES
FINALISTA DI MISS UNIVERSE NETHERLANDS 2025
HILVERSUM – Djasabra 5 di yüli, e gran final di Miss Universe Netherlands a tuma lugá den Studio 21 den Hilversum, kaminda 24 finalista di diferente provinsia i wild cards a kompetí pa e título prestigioso. Den e grupo aki, nos representante di Miss Universe Dutch Caribbean, Shashinduska Nazir, tambe a partisipá i a logra un lugá e puesto di tres finalista di e nochi aki.
Ta e promé biaha ku Miss Dutch Caribbean ta forma parti di e “landelijke” finale di Miss Universe Netherlands, un paso nobo realisá bou di liderasgo di Alexandra Atalita, Miss Earth Curaçao na 2018 I Promé Finalista di Miss Universe Kòrsou 2021. E partisipashon di un representante for di Karibe Hulandes, ta un muestra di mas diversidat i representashon den e sertamen nashonal. Shashinduska, ku su raiznan mitar Kòrsou i mitar Pakistaní, a nanse i krese na Rotterdam. El a representá e islanan di Karibe Hulandes ku hopi orguyo, elegansia i poder riba e tarima.
Ademàs durante su prestashon sobresaliente, Shashinduska tambe a resibí un premio spesial for di un di e spònser, Miss Naaz Luxury, ku tabata e spònsernan ofisial di e shimis pa e kompetensia. Shashinduska lo sirbi komo kara di Naaz pa un aña kompletu.
E título di Miss Universe Netherlands 2025 a bai pa Nathalie Yasmin di Noord-Holland, ku lo bai representá Hulanda na e final internashonal di Miss Universe ku ta tuma lugá na Thailand na novèmber awor.
Nos ke manda palabranan di felisitashon pa Shashinduska Nazir, ku a skibi historia komo e próme Miss Universe Dutch Caribbean den e final nashonal.
