Ainda Selikor no a presentá tur dato tokante preis di kosto i GMN ta wardando riba informashon kompletu / Selikor levert nog niet alle kostprijsgegevens aan – GMN wacht op volledige informatie
Ainda Selikor no a presentá tur dato tokante preis di kosto i GMN ta wardando riba informashon kompletu
Willemstad, 5 di yüli 2025 — Ministerio di Salubridat Públiko, Medio Ambiente i Naturalesa
(GMN) ta trahando riba un akuerdo di maneho ku Selikor N.V. E meta ta pa yega na un
akuerdo transparente i basá riba prestashon, ku ta stipulá kua ta e servisionan públiko ku
Selikor ta duna Pais Kòrsou riba tereno di limpiesa, kua ta e kondishonnan, i ki
kompensashon Selikor lo risibí a kambio di e servisionan ei.
Na fin di mei 2025, GMN a enkargá Stichting Overheidsaccountantsbureau (SOAB) pa traha
riba tres trayekto pareu:
1. hasi un análisis aktualisá di preis di kosto di e servisionan ku Selikor ta brinda gobièrnu,
2. formulá un akuerdo nobo di maneho, i
3. hasi un estudio di efektividat tokante kosto di tiramentu di sushi na Landfill (kaminda for
di ougùstùs 2024 por bai tira sushi grátis).
Aunke ta Selikor mes a indiká ku nan ke un akuerdo nobo, tin mester di dato kompleto,
aktualisá i fundamentá tokante preis di kosto pa por prepará esei.
Dia 12 di yüni último, SOAB, na nòmber di GMN, a entregá un petishon na Selikor pa risibí
informashon detayá. Aunke Selikor mes a konfirmá e deadline di fin di yüni, te asina leu e
informashon risibí no ta kompleto.
Den un e-mail dia 30 di yüni, Selikor a indiká ku e dokumentonan pidí a wòrdu entregá
kaba. Sin embargo, revisando esakinan a konstatá ku ainda e preisnan di kosto ku Selikor a
presentá no ta spliká na un manera sufisiente detayá, siendo ku esei ta forma parti esensial
di e análisis.
Entretantu, SOAB a indiká na Selikor kiko ta loke falta. Fuera di esei, SOAB a kuminsá hasi
un kontrol físiko na landfill di Malpais pa verifiká si loke Selikor a bin ta fakturá gobièrnu ta
kuadra ku loke tin den e sistema di registrashon.
Na 2024, Selikor a risibí aproksimadamente NAf 27 mion pa su servisionan regular di
limpiesa i fuera di esei un adelanto di NAf 2 mion relashoná ku e tiramentu di sushi grátis
na landfill ku a kuminsá na ougùstùs. Na 2023, landfill a produsí un entrada di
aproksimadamente NAf 1,6 mion. Den 2025 tambe Selikor lo risibí un total di NAf 27 mion
pa su servisionan regular i NAf 5 mion pa maneho di landfill, partí den pago hasí kada
kuartal. Sin embargo, un kondishon pa e pagonan akí ta ku ministerio mester risibí
informashon korekto i e debido kooperashon di parti di Selikor.
Fuera di e kontribushonnan akí di gobièrnu, Selikor tin entrada di aktividat komersial,
manera hürmentu di container i servisio na tersero.
GMN ta enfatisá ku ta den man di Selikor e bala ta aktualmente. GMN ta dispuesto di
negoshá un akuerdo nobo di maneho, pero esei ta posibel solamente unabes ku tur
informashon a wòrdu entregá na un manera kompleto i verifikabel. E transparensia ku
gobièrnu ta pidi aki ta importante, no ta gobièrnu so, ma tambe pa Selikor mes i pa
komunidat en general.
Selikor levert nog niet alle kostprijsgegevens aan – GMN wacht op volledige informatie
Willemstad, 5 juli 2025 – Het ministerie van Gezondheid, Milieu en Natuur (GMN) werkt aan
een transparante, prestatiegerichte beheersovereenkomst met Selikor N.V., waarin wordt
vastgelegd welke publieke afvaldiensten Selikor levert aan het Land Curaçao, onder welke
voorwaarden en tegen welke vergoeding.
Eind mei 2025 heeft het ministerie de Stichting Overheidsaccountantsbureau (SOAB)
opdracht gegeven om drie trajecten gelijktijdig uit te voeren:
1. een geactualiseerde kostprijsanalyse van de diensten die Selikor aan de overheid levert,
2. het opstellen van een nieuwe beheersovereenkomst, en
3. een doelmatigheidsonderzoek naar de stortkosten op de Landfill, waar sinds augustus
2024 gratis gestort kan worden.
Hoewel Selikor zelf heeft aangegeven deze nieuwe overeenkomst te willen, is voor het
opstellen ervan volledige, actuele en onderbouwde kostprijsinformatie vereist. SOAB heeft
op 12 juni jl. namens het ministerie een gedetailleerde informatieaanvraag bij Selikor
ingediend. Ondanks de door Selikor zelf bevestigde deadline van eind juni, is de
aangeleverde informatie nog niet volledig.
Op 30 juni gaf Selikor per e-mail aan dat de gevraagde documenten waren opgeleverd. Bij
controle bleek echter dat de onderbouwingen van de kostprijzen — een cruciaal onderdeel
van de analyse — nog steeds niet met de vereiste diepgang zijn aangeleverd. SOAB heeft
inmiddels aan Selikor wat er nog ontbreekt. Verder is SOAB gestart met een fysieke
verificatie op de stortplaats van Malpais om te controleren of de facturatie van Selikor aan
de overheid strookt met de registratiesystemen.
In 2024 ontving Selikor circa NAf 27 miljoen voor reguliere afvaldiensten, aangevuld met
een voorschot van NAf 2 miljoen voor gratis stortingen op de Landfill vanaf augustus. De
inkomsten uit de Landfill bedroegen in 2023 circa NAf 1,6 miljoen. Ook in 2025 ontvangt
Selikor NAf 27 miljoen voor reguliere diensten, evenals NAf 5 miljoen voor het Landfill-
beheer, uitbetaald in kwartaaltranches — onder de voorwaarde van correcte rapportage en
medewerking.
Naast deze overheidsbijdragen behaalt Selikor inkomsten uit commerciële activiteiten,
waaronder de verhuur van containers en dienstverlening aan derden.
Het ministerie benadrukt dat de bal nu duidelijk bij Selikor ligt. GMN is bereid om te
onderhandelen over een nieuwe beheersovereenkomst, maar kan dat pas doen zodra de
benodigde informatie volledig en controleerbaar is aangeleverd. De transparantie die nu
wordt gevraagd, is niet alleen in het belang van de overheid, maar ook van Selikor zelf en
van de bredere samenleving.