Selekshon Liga Soraida juliana Divishon Senior na kaminda pa Salinas, Puerto Rico
Selekshon Liga Soraida juliana Divishon Senior na kaminda pa Salinas, Puerto Rico.
Awe tardi (9 juli 2025) nos hobenan ku ta forma e selekshon di Curacao Little League Liga Soraida Juliana Divishon Senior 2025, lo aborda e buelo di Copa Airlines, rumbo pa Salinas Puertoriko. Nos muchanan lo biaha bou di guia di e staf tekniko ku ta konsisti di coach Neldrick ‘Nel’ Lourens, coach Wendly ‘Chape’Bernardus i coach Miriella Carlo. E delegashon kompletu ta bou di guia di delegado sra. Shinaitza ‘Nitika’ Manuela.
E kampeonato Regional ta kuminsa 13 juli 2025. Anterior Virgen island lo a aktua komo amfitrion di e Regional pa determina e kampeon i representante Latino Amerikano. Virgen island sinembargo a duna di konose di no por karga ku e responsabildat organisatorio. Un ratu a opta pa Korsou organisa e regional, pero esaki no tabata posibel mas debi ku Korsou ya ta amfitrion p’e regional di baseball. E ora ei Puertoriko a tuma e kompromiso pa su kuenta i ta fungi komo amfitrion p’e regional.
Nos seleskhon ta konsisti di 16 hoben. Nan ta den edat 15-16 anja i ta forma parti di divsihon Senior. Den nan tin algun ku formal ta pertenes’e n’e divishon Junior, pero regla ta habri espasio pa nan partispa den e divishon Senior. Den nan tin hobenan ku resien a kuminsa hunga softbol fastpitch kompetitvo. Nan talento a hiba nan te na pre-selekshon i despeus selekshon. Nan ta prosedente di e ekiponan di Brievengat, Jongboed, Buenavista i Suffisant. Despeus di temporada regular, e hobenan a pasa den un preparashon intensivo. E preparashon a enfoka tres are, e parti fisiko, e parti tekniko i e parti mental. 17 hobenan ku a bin di ‘kuater famia’ a krese bira ‘un famia’, ku un fundeshi ku ta ankra den konfiansa i konosementu di otro. I e konfiansa ta forma e wesu di lomba di e selekshon hoben aki.
Aparte di dos ekipo di Puertoriko ku tin derechi riba dos representashon komo pais amiftrion, e regional lo konta ku representashon di Guatemala i Mexico. Liga Soraida Juliana tin un historial ku Puertoriko. Puertoriko semper ta fuerte i ku nan elekshon hunangdo na kas, mester hunga ku kabei riba djente pa gana nan. Liga soraida Juliana tantu den divishon Little, Junior komo Senior, na diferente okashon a doblega Puertiriko den nan kas i bai ku e titulo kampeonil i representa Latino Amerika na Williamsport, Nos delaster titulo regional tabata na 2022 bou di guia di J’Dah Girigori ora ku e hoben a doblega e Puertorikenjonan den nan kas i sigi pé mundila na Willaimsport.
Keda pendiente pa mayan un artikulo kaminda nos ta ban profundisa riba nos muchanan individual i nan oportunidat kolektivo den e regional Kampeonato Latino Amerikano 2025 na Salinas Puertoriko.
Exito na nos kriyoyonan.
