SORTEO PA E 2023 CONCACAF WOMEN’S UNDER-20 QUALIFIERS TA TUMA LUGÁ 16 FEBRÜARI 2023 NA MIAMI!

SORTEO PA E 2023 CONCACAF WOMEN’S UNDER-20 QUALIFIERS TA TUMA LUGÁ 16 FEBRÜARI 2023 NA MIAMI!

 E siguiente selekshon ku lo representá Kòrsou lo ta nos selekshon nashonal femenino kategoria

U-20 ku ta preparando pa 2023 CONCACAF Women’s Under-20 Qualifiers. Nos selekshon, bou di guia di Raúl González Triana i Heinrich Roojer, tin algun luna ta praktikando pa nos partidonan di e torneo aki ku lo tuma lugá aki na Kòrsou den luna di aprel 2023.

Mañan, 16 febrüari 2023, pa 12’or di mèrdia (orario di Kòrsou) na Miami, Florida lo tin e sorteo pa e paisnan ku lo partisipá na e partidonan di kualifikashon aki.

Por sigui e sorteo aki bibu, via e ‘website’, página di Facebook òf e kanal di YouTube di CONCACAF.

Un total di 32 pais den Karibe i Nort Amerika lo partisipá kaminda ya a repartí esakinan den grupo abase di nan puesto riba e tabla di posishon di CONCACAF. E paisnan aki ta partí den 4 grupo di 6 pais i un grupo di 8 pais.

 

E gruponan aki ta lo siguiente;

 

Grupo 1:  Canada, Haiti, Costa Rica, Jamaica, Puerto Rico i Repúblika Dominikana.

Grupo 2: Trinidad & Tobago, El Salvador, Guatemala, Guyana, Panama i Honduras.

Grupo 3: St. Kitts & Nevis, Bermuda, Nicaragua, Cuba, Cayman Islands i Sürnam.

Grupo 4: St. Lucia, Kòrsou, Grenada, Anguilla, Antigua & Barbuda i St. Vincent & the Grenadines.

Grupo 5: Belize, Bahamas, Dominica, US Virgin Islands, French Guiana, Guadeloupe, Martinique i St. Maarten.

 

Di kada grupa lo saka un pais p’asina forma e pulnan ku lo kompetí ku otro durante e torneo aki.

Mas ku klaro Kòrsou ta kontinuá ku e preparashonnan pa duna un bon presentashon durante nos weganan di e 2023 CONCACAF Women’s Under-20 Qualifiers ku ta tuma lugá na kas.

 

Keda pendiente pa mas informashon…

 

15 febrüari 2023