𝐌𝐢𝐧𝐢𝐬𝐭𝐞𝐫 𝐌𝐢𝐝𝐝𝐞𝐥𝐡𝐨𝐟 𝐢 𝐂𝐈𝐍𝐄𝐗: 𝐄𝐧𝐤𝐮𝐞𝐧𝐭𝐫𝐨 𝐊𝐥𝐚𝐯𝐞 𝐩𝐚 𝐅𝐮𝐭𝐮𝐫𝐨 𝐄𝐤𝐨𝐧ó𝐦𝐢𝐤𝐨

𝐌𝐢𝐧𝐢𝐬𝐭𝐞𝐫 𝐌𝐢𝐝𝐝𝐞𝐥𝐡𝐨𝐟 𝐢 𝐂𝐈𝐍𝐄𝐗: 𝐄𝐧𝐤𝐮𝐞𝐧𝐭𝐫𝐨 𝐊𝐥𝐚𝐯𝐞 𝐩𝐚 𝐅𝐮𝐭𝐮𝐫𝐨 𝐄𝐤𝐨𝐧ó𝐦𝐢𝐤𝐨
WILLEMSTAD, Kòrsou – 9 di yüli 2025 – Minister di Desaroyo Ekonómiko, Roderick Middelhof, a reuní ku, Sr. Miles Mercera, Sr. Pedro Vega Orozco, i Sr. Yannick Hersilia di CINEX.
Durante e enkuentro, e representantenan di CINEX a duna un update ekstenso di e aktividatnan i proyektonan ku ta kai bou di nan maneho. Komo parti di esaki, nan a entrega un kopia di nan relato anual na e Minister. Un parti krusial di e deliberashon tabata e interkambio di ideanan tokante e vishon di Minister Middelhof pa e sektor ekonómiko di nos pais.
E enkuentro aki ta enfatisá e importansia di e kolaborashon kontinuo entre e Ministerio di Desaroyo Ekonómiko i entidatnan klave manera CINEX, pa asina por garantisá un direkshon efektivo pa e desaroyo ekonómiko di Kòrsou, ku benefisio pa henter nos komunidat.