Charla:“ROU EN GENERAL” na Sentro di bario Souax

15 di YÜLI 2025
Charla:“ROU EN GENERAL” na Sentro di bario Souax

Fundashon Pro Souax ta anunsiá ku djamars 15 di yüli próksimo lo tin
e siguiente charla di e siklo di charla riba “Temanan Sikológiko”.
Meta di e charlanan aki ta pa duna informashon i di e forma aki, hasi habitantenan
di Souax i bisindario i tambe otro interesadonan mas konsiente di importansia di
kuido di nan salú mental pa logra bienestar emoshonal, sikológiko i sosial balansá.
E charlanan ta na enkargo di e konosido sikólogo drs. Vivian Lucia i lo ta grátis.
Durante e charla di 15 di yüli próksimo e sikólogo lo trata e tópiko:

“ROU EN GENERAL”

Rou, ta un reakshon emoshonal den kaso di pèrdida i ta parti di bida humano.
Bin tende e sikólogo amplia riba diferente tipo di pèrdida ku ta kousa di rou serka e ser humano. Entre otro drs Lucia lo papia riba rou okashoná pa motibu di: fayesimentu di un ser kerí, pa motibu di divorsio, pèrdida di trabou òf salu i kon atende ku rou.

Lo tin amplio oportunidat pa hasi pregunta i un i tur ta keda kòrdialmente invitá pa
bin skucha informashonnan importante riba e tópiko aki

Charla riba TEMA SIKOLOGIKO

Tópiko : “ROU EN GENERAL”
Oradó : SIKOLÓGO Sra. Vivian Lucia
Dia : Djamars 15 di YÜLI 2025
Ora : Shet’or pa mitar di nuebe di anochi (19.00 – 20.30)

Lugá : Sentro di bario Souax
Entrada : GRATIS