Kòrsou su embahadornan na sertámen Universal Teen International a sobresali grandemente.
Kòrsou su embahadornan na sertámen Universal Teen International a sobresali grandemente.
Djasabra, 6 di sèptèmber 2025 na Occidental Caribe Resort na Punta Cana – Republika Dominikana, a tuma lugá e di dos edishon di sertámen Universal Teen International 2025
Na 2024 CICQ, Curaçao International Crowned Queens organisation
presidí pa Gionel Virginie, a partisipa na e promé edishon di e sertámen Universal Teen International organisáa pa Juan Arturo Ramirez by JAR Pageant Productions, LLC. ku a tuma luga na Mexico.
Durante di e sertámen na 2024, Kòrsou su representante i embahadora srta. Ambar Ursulita Tovar a keda korona komo e promé Universal Teen International.
E aña aki durante di e sertámen nos Ambar Ursulita Tovar por e rebiba e momentunan durante su partisipashon na 2024 na Mexico i alaves
korono e di dos Universal Teen International 2025.
I na mes momento nos representante di 2025, embahadora srta.
Rayenne Kirindongo, Universal Teen Curaçao, a kompeti entre 12 hoben representando 12 pais den universo for kontinente di Afrika i Amerika i tambe paisnan den Caribe.
Ku orguyo CICQ a konkistá e premio di ‘Best Production Team’ i Kòrsou su embahador, Rayenne Kirindongo, a konkista e premio ‘Best National Costume’ i a resulta tambe den Top 6 di e sertámen Universal Teen International 2025.
Universal Teen International 2024, Ambar Ursulita Tovar, a koroná Universal Teen International 2025 representante di Colombia komo Universal Teen International 2025.
Ambar a rekorda ku riba 6 di september 2015, 10 aña pasa, ela ser korona komo ganadora di Little Beauty World na Punta Cana, Republika Dominikana bou di preparashon di Gionel Virginie.
Durante di su diskurso di despedida ela gradisi organisashon Universal Teen International, CICQ, Pueblo di Kòrsou i tur ku a sostenele i apoyele spesialmente su Mama i famia.
Naturalmente ela laga un mensahe pa tur hòben ku ke realisa nan soño!
CICQ ta gradisi Ambar Ursulita Tovar pa su reinado impekabel i digno.
Alaves CICQ ta felisitá Rayenne Kirindongo ku su presetenashon komo embahadora di Kòrsou di kua nos ta sumamente orgulloso di dje.
Tambe CICQ ta gradisi tur persona i instansia ku a kontribui na realisashon di partisipashon di Rayenne na sertámen Universal Teen International, spesialmente na su Mayornan i Famia.
Kordialmente CICQ ta invita pueblo di Kòrsou pa huntu nos yama nos Top 6 Universal Teen International bon bini na kas, na su yegada na Airport Hato, djaráson 10 di sèptèmber 2025 pa 9 or di anochi ku vuelo di Arajet for di Repubika Dominikana. Danki Kòrsou!
8 di sèptèmber 2025
