BAN PAPIA IDIOMA DI HUBENTUT (LET’S TALK YOUTH TALK) SEMINARIO PA HOBENNAN DI 13 PA 18 AÑA ORGANISA PA ASOSIASHON DI GUIA CURAÇAO KU SOSTEN DI UNESCO
BAN PAPIA IDIOMA DI HUBENTUT (LET’S TALK YOUTH TALK) SEMINARIO PA HOBENNAN DI 13 PA 18 AÑA ORGANISA PA ASOSIASHON DI GUIA CURAÇAO KU SOSTEN DI UNESCO
Willemstad. Let’s Talk Youth Talk”: to shape the life of others to achieve sustainable goals-Asosiashon di Guia Curaçao a risibí fondo di UNESCO pa asina organisá un seminario di 3 dia pa hóben di 13 pa 18 aña di edat, tantu mucha muhé komo mucha hòmber. E seminario ta tuma lugá di 12 -14 sèptèmber awor na ICUC, Brionplein.
E aktividat su meta ta pa krea un foro dediká na e hóben i personanan yòn, kaminda esakinan por ekspresá opinionnan, preokupashonnan i ideanan durante e weekend di seminario.
Entre e tópikonan ku ta bai trata tin por ehèmpel: Desaroyando potensial liderazgo, kon manehá bo finansa pa FEKOSKAN, Defensa Propio, Inteligensia emoshonal, influensia di medionan sosial, kon manehá bo propio branding pa MBA Empowerment, komunika efektivamente pa Sydelle Ricardo Development Institute BV i tambe teambuilding.
Djabièrnè 12 di sèptèmber ta e apertura ofisial ku ta kuminsá 19.00 – 21.30, djasabra 09.00-16.15 i djadumingu di 09.00-13.00. Partisipashon na e seminario ta grátis i ta inkluí tur material, lùnch i mas. Tur seshon ta na papiamentu i mester registrá via WhatsApp +5999-528-8716 te ku djárason 10 di sèptèmber 2025. Esaki ta un oportunidat tremendo pa nos hóbennan pa asina nan por haña hèrmèntnan nesesario pa yuda den nan desaroyo.
