“Building Towards the Future” Carnaval Casino a kuminsá rekoudá artíkulonan di skol pa muchanan di Kolegio Cola Debrot

“Building Towards the Future”

Carnaval Casino a kuminsá rekoudá artíkulonan di skol pa muchanan di Kolegio Cola Debrot

 

WILLEMSTAD – MEI– Manera komunidat di Kòrsou a bin ta eksperensia kaba, Carnaval Casino ta muchu mas ku un casino. No únikamente pa e kampaña, promoshon i premionan ku tur miembro tin chèns di gana sino tambe pa e manera kon nan ta partisipá den nos komunidat komo empresa. Staf i personal di Carnaval Casino ta preparando pa un otro edishon di ‘Back To School Drive’, e biaha aki bou di e tema ‘Building towards the future’. Ta hasi e rekoudashon un poko mas trempan e aña aki, di manera ku komunidat tin mas espasio pa hasi un kontribushon.

Meskos ku añanan anterior ta apelá riba nos komunidat pa duna un man pa rekoudá artíkulonan di skol. Por hasi esaki via di un donashon di e artíkulonan di skol mes, of ku bo TITO na Canaval Casino. Muchanan lo tin mester di entre otro agènda pa skol, tas pa skol ku 2 kompartimentu, tèrmo, trònchi di pan, place mats, etuí pa pòtlot, pèn, pòtlot, gùm, sleiper, steft di koló, map pa skol, skref di 24 linia, skref pa aritmétika i map grandi di 23 renchi.  E aña aki ta rekoudá artíkulonan pa skol – aña eskolar 2019-2020- pa Kolegio Cola Debrot. Por trese e artíkulonan di skol na Carnaval Casino Player’s Center entre dianan 23 di Mei pa 25 di yüni for di  10’or di mainta pa 9’or di anochi.

 

E tema ‘Building towards the future’ ta kuadra ku e filosofia Carnaval Casino, awor tambe parti di Wind Creek Hospitality. Di akuerdo ku Heidi Foendoe, Direktor General di Carnaval Casino, konstruí nos komunidat nunka mester ta esfuerso di un solo persona. “Kolektivamente nos mester yuda komunidat; Carnaval Casino di su parti ta inisiadó di e proyekto, pero ta konta ku sosten di nos komunidat pa yuda nos hóbennan, ku ta futuro di nos pais!”

 

Komo gratitut Carnaval Casino i tambe Renaissance Curaçao Resort lo rifa dos anochi den Renaissance Curaçao Resort komo promé premio, entre tur ku a hasi un donashon di artíkulonan di skol.  Di dos premio; un sena pa 2 persona na Infinity Beach Club, terser premio; Carnaval Casino $75 free play, di kuater premio; un desayuno pa 2 persona i finalmente un di sinku premio; Carnaval Casino $50 free play. Risibí un formulario pa kada donashon, kompletá e informashon riba esaki i deposit’é den e tómbola na Carnaval Casino.  Lo saka e ganadónan dia 27 di yüni. *E ganadónan no mester ta presente durante di e sorteo.  For di awòki Renaissance Curaçao Resort & Carnaval Casino i Wind Creek Hospitality ta gradisí tur hende pa nan aporte na ‘Building towards the future’.

 

This site uses Akismet to reduce spam. Learn how your comment data is processed.

%d bloggers like this: