Biahe di trabou di Minister di DESAROYO SOSIAL, LABOR i BIENESTAR ku un delegashon tripartit

Biahe di trabou di Minister di DESAROYO SOSIAL, LABOR i BIENESTAR ku un delegashon tripartit

Geplaatst op 23 Mei 2019 dor di Ministerio di Desaroyo Sosial, Labor i Bienestar

Delegashon tripartit a bishitá SENA (Servisio Nacional de Aprendizaje) na Bogotá i Cartagena de los Indios na Colombia.

Willemstad – Durante di un bishita di trabou di 5 dia ku un programa yen yen parti di mainta, merdia i atardi/anochi miembronan di e delegashon tripartit – ku representashon di gobièrnu, sektor sindikal i sektor empresarial a tuma nota di un desaroyo sumamente interesante di formashon profeshonal laboral na SENA-Colombia.

A bishitá i tuma nota di “BEST PRACTICES” I desaroyo di un modelo di formashon gobièrnu i sektor empresarial ta enkargá pa kubri TUR gastu. E modelo di formashon pa trabou di SENA [Servicio Nacional de Aprendizaje] na Colombia ta sirbi pa diferente kontinente, inkluso paisnan na Europa, komo ehèmpel pa desaroyá nan forsa laboral.

Pa prepará su mes bon pa implementashon di desaroyo di forsa laboral na Kòrsou, miembronan di e “Stuurgroep – huntu ku Direktor di Sektor di Labor i minister di Desaroyo Sosial, Labor i Bienestar a mira den práktika kon traha riba formashon i produktividat laboral pa stimulá ekonomia di un pais. Tabata un oportunidat balioso pa siña di eksperiensia di SENA pa no tin nodi di “inventá e wil” pa loke ta desaroyo di forsa laboral na Kòrsou.
Mundialmente ta elogiá e modelo di SENA-Colombia. Pa e motibu akí a opta pa haña mas informashon di e implementashon di e sistema di formashon akí hopi di aserka.

For di inisio di SENA – 62 aña pasá – E Organisashon Internashonal di Trabou/ILO[International Labor Organisation ]a sostené e inisiativa di SENA pa formashon pa empleo na Colombia komo un proyekto piloto ku tabata kuadra ku e vishon i filosofia di ILO ku 100 aña pasá ku urgi paisnan pa traha huntu -esta tripartit- pa desaroyo i formashon di forsa laboral. For di 100 aña pasá e Organisashon Internashonal di Trabou/ILO ta stimulá paisnan pa huntu, esta sindikalismo, sektor empresarial i gobièrnu uni forsa pa desaroyo ekonómiko di e pais.

E delegashon a haña splikashon, rekorido i dokumentashon amplio i intensivo durante di 5 dia kompleto na bishitá e ofisina prinsipal i prinsipalmente instalashonnan di formashon na Bogotá i Cartagenia de los Indios pa por mira kapta e esensia di e modelo di formashon di SENA.
Entre otro a bishitá Technoparque, un sentro di ‘Metal Mecánico’, un sentro di ‘Manufactura en Textil y Cuero’, un kompleho di ‘Paloquemao’, un sentro di ‘Diseño y Metrologia’, 2 sentro di formashon di Hotelería, Turismo y Alimentos. Na tur bishita a haña oportunidat di interkambiá ku direktornan, personal-dosente, atministrativo i mas importante e ‘aprendiz’ e partisipantenan/studiantenan.

Un bishita di 5 dia ku a habri bista i mente di tur partisipante di posibilidatnan aktual di formashon pa trabou. I e delegashon ta rekomendá TUR ku ta balapena pa sostené e esfuersonan di e tripartit na Kòrsou pa TAMBe yega na desaroyonan positivo pa nos pais.


ALGUN DATO DI SENA-COLOMBIA
SENA tin 36.000 trahadó [8.000 nas e ofisina prinsipal]; 33 departamento regional; 117 sentro di formashon den 1.102 munisipio. Tin 5.000 programa komplementario i 525 programa titular; esaki ta riba 6 nivel i 3 modalidat; 147 oula móbil.
Formashon na TUR nivel i pa TUR edat ta kompletamente grátis.
Esaki ta posibel komo sektor empresarial i gobiernu ta kubri TUR gastu. Tambe tin un sistema kaminda un empresa ku di kada 10 trahadó e empresa mester tuma 2 ‘aprendiz’ [studiante/stazjèr-LWT]. Si e empresa NO hasi/kier hasi esaki, e empresa ta obligá di kontribuí finansieramente igual ku e gastu di un aprendiz pa luna den e fondo pa kubri gastu di formashon.
Sistema di finansiamentu di SENA ta ankrá den lei kaminda empresanan ta kontribuí

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: