KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa violashon di lei di arma di kandela 

 

KUERPO POLISIAL KÒRSOU 

 

KOMUNIKADO DI PRENSA

282/2025

16 yüli 2025 

Detenshon pa violashon di lei di arma di kandela 

Djamars 15 di yüli 2025 alrededor di 19.22’or, durante di un kontròl den Kaya  Meteorológiko, polis a tuma nota un hòmber ku tabata aktuá di un forma  sospeshoso. 

Na momentu ku e hòmber aki a mira polis, el a purba di hui for di e sitio. Despues di un persiguishon kòrtiku polis a detené e hòmber. 

A kontrol’é i den e área a bin topa ku un arma di kandela den un bentana di  un kas skondí. 

Mesora a detené e sospechoso R.M.F. di 23 aña di edat nasé na Kòrsou pa  violashon di e lei di arma di kandela i a konfiská e arma. 

A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.

639114718427035"
639114718427035"