KUERPO POLISIAL KÒRSOU 

 

KOMUNIKADO DI PRENSA

283/2025 16 yüli 2025 

Insidente ku morto 

Djárason 16 di yüli 2025 alrededor di 08.12’or, Sentral di Polis a risibí  notifikashon di un kaso kaminda abeha a pika dos hòmber na un kas den área  di Kaya Seru Machu. 

Na yegada di e unidat polisial a bin topa ku dos hòmber drumí abou ku pikánan grave di abeha na nan kurpa. 

For di investigashon ku polis a hasi na e sitio a sali na kla ku un shofùr di un  loader a bai limpia un tereno den e área ariba menshoná i di repente e  abehanan a ataká e shofùr i doño di e tereno severamente. 

Ambulans ku a yega na e sitio a transportá un di e víktimanan pa CMC pa  tratamentu médiko avansá. 

Pa e otro víktima, shofùr di e loader, no por a hasi nada mas, el a fayesé na e  sitio.  

Alrededor di 10.28’or dòkter di polis a konstatá morto di e hòmber Erno  Gabriël Ogenia, nasé na Kòrsou dia 18 mart 1962. 

Investigashon den e kaso aki ta kontinuá.