Presidente di Parlamento ta lamentá ku ta saka informashon for di konteksto.

Presidente di Parlamento ta lamentá ku ta saka informashon for di konteksto.
Willemstad, 16 yüli 2025, Parlamento di Kòrsou ta tuma nota di informashon den prensa, kual ta sugerí ku lo tin iregularidatnan konstatá, den e relato finansiero di biahenan di delegashon via Gabinete di Minister Plenipotensiario na Hulanda (KGMC).
Parlamento ta enfatisá ku e instituto no ta hasiendo niun investigashon relashoná ku e informashon risibí di kas di Kòrsou.
Algun siman atras Parlamento a risibí un seri di dokumento for di Kas di Kòrsou ku e propósito pa usa esakinan pa yega na un presupuesto mas realístiko posibel di gastunan di biahe di delegashonnan di Parlamento ku ta biaha pa Europa.
Parlamento lo kontinuá ku e proseso interno di presupuesto i si ta nesesario, lo hasi preguntanan adishonal via e kanalnan apropiá.