Toastmasters den komunidat huntu ku FDDK Summergames

Toastmasters den komunidat huntu ku FDDK Summergames

 

WILLEMSTAD – Tur aña, Fundashon Desaroyo Deportivo Kòrsou (FDDK) ta organisá un programa di vakashon grandi pa hubentut di Kòrsou e aña aki yamá Summergames. Pa di dos aña konsekutivo, FDDK a invitá Toastmasters pa partisipá, enfokando riba desaroyo integral di e muchanan físikamente, mentalmente i intelektualmente den un forma ameno i edukativo. E aña aki ku e tema “Speak Up Shine Bright”

Aña pasá, Past District Director Fabiola Cleofa DTM, tabata e forsa tras di e partisipashon di Toastmasters, ku a trese varios miembro pa kontribuí na e programa.

Basá riba e éksito ei, District 81 Public Relations Manager Miloushka Rosario DTM, kende tambe tabata parti di e inisiativa di aña pasá, a tuma e liderazgo e aña aki. El a elevá e proyekto dor di invitá otro Toastmasters pa kolaborá, kreando un kuríkulo dibertido pero altamente edukativo sentrá riba e fundeshi di komunikashon i konfiansa propio. Nos ta gradesido na e Toastmasters ku a uni forsa pa forma un tim dinámiko: David Homoet, McNyzz Richards, Sirelda Osepa, Jeanthall Obia, John Damberg, Laurella Martis, Fabiola Cleofa, Anuska Ortega, Sinaï Mathilda, Regis Loo i Michael Cassique.

 

Huntu, e tim aki den e 4 dianan di Summergames ta yudando pa krese e konosementu i konfiansa di nos hóbennan pa sigui desaroyá nan mes den e temporada di fakansi.