AWE PIN TA ENTREGA KASO NA KORTE DI HUSTISIA I KEHO NA LANDSRECHERCHE

AWE PIN TA ENTREGA KASO NA KORTE DI HUSTISIA I KEHO NA LANDSRECHERCHE

Willemstad – Konseho Supremo Elektoral (KSE) su trabou pa prepará elekshon pa 28 di aprel próksimo ta pará ketu a base di e Dekreto Ministerial di 27 di mart di Minister Norberto Ribeiro. Minister Ribeiro a kita e mandato i fondo di trabou pa preparashon di elekshon di 28 di aprel próksimo.

Awe Partido Inovashon Nashonal (PIN) ta entregá un keho penal kontra Gobièrnu Schotte-Pisas pa motibu ku e desishon pa para elekshon ta kontra di nos Areglo di Estado i kontra pueblo di Kòrsou. Tambe lo entregá e kaso na Korte di Hustisia kontra di e aktuashon ilegal aki di Gobièrnu i pa eksigí pa elekshon sigui 28 di aprel 2017.

PIN no ta permití pa sera boka di pueblo!

Awe tardi 2’or (14:00) PIN lo ta na landsrecherche pa entregá e keho.