Dos detenshon relashoná ku atrako

KUERPO POLISIAL KÒRSOU
KOMUNIKADO DI PRENSA
284/2025 17 yüli 2025
Dos detenshon relashoná ku atrako
Kontinuando ku investigashon den varios kaso di atrako ku a tuma lugá durante siman ku a pasa, Tim di Aresto a hasi dos (2) detenshon den Oranjestraat i Bargestraat.
Djárason 16 di yüli 2025, e tim a hasi detenshon di e hòmbernan:
⮚ R.H.G.L. di 29 aña di edat nasé na Kòrsou;
⮚ Y.E.G.S. di 27 aña di edat nasé na Colombia;
Despues di e detenshonnan a tene entrada hudisial.
Durante di e entrada hudisial a haña i konfiská artíkulonan ku ta di importansia pa e investigashon.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.
