Skibí pa Meindert ‘Menki’ Rojer:  Kaso Hensley Koeiman  for di un otro bista

Kaso Hensley Koeiman for di un otro bista
Si Hensley Koeiman awe ta  enfrentando e diskushon di ku si e ta sospechoso òf laga, mester mustra e falta den su propio direkshon. Siendo un Parlamentario i Minister, nunka ni e ni su partido no a presentá un proposishon pa eliminá e lei di screening. Siendo ku komo polítiko, supuestamente e mester  konosé su staatsinrichting, i abase di e konosemento aki, e mester sa ku e lei di screening ta un lei anti-demokrátiko, ku ta humilia tantu nos demokrasia komo e outoridat di nos Parlamento.                        

Sinembargo el a persistí den apsurdes, manera varios otro parlamentario ta hasi, pretendé di laga e asuntu di screening sigui, paso ainda e no a yega su porta i lo e no yega nunka. (Paso nan ta hende drechi, tur otro polítiko ta hende bruá). Awor e realidat a dal e duru den su kara anto ta di spera ku el a siña ki konsekuensia lei di screening tin pa e komo polítiko. 

Ministerio Publiko a kometé otro blunder, nan a pèrmití Landsrecherhe publiká den korant ku Koeiman ta sospechoso, i mi ta kere ku ora nan a mira kiko nan a hasi, nan a kore manda nan lora bisa ku Koeiman no ta sospechoso. Si Koeiman no ta wòrdu sospechá di nada, kiko e ta hasi na Landsrecherche? Un kaminda su nòmber  mester a wòrdu menshoná, te ku Landsrecherche a manda yam’é pa interog’é tòg?

Es mas, Koeiman no mester ta sospechoso pa e por keda sin bira Promé Minister den e pais aki, e solo echo ku e ta bou di investigashon na hustisia a kolog’é kaba. 

Lo no strañami tampoko, ku e badabada aki di ku Koeiman ta sospechoso òf laga, a sali for di seno di PAR mes, pa hasi Koeiman sospechoso, pa asina debilitá e forsa di partido MAN durante kualke negosashon ora di forma gobièrnu, pa e puesto di Promé Minister por bin kai pa PAR. Si esaki mester ta e kaso, ta drechi pa MAN, siendo un partido den oposishon, bo promé opshon mester ta forma ku partidonan ku tabata den oposishon kubo, i no ku un partido di koalishon, ku asta a pèrdè miles di voto.

Skibí pa Meindert ‘Menki’ Rojer

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: