KOMUNIKADO DI KUERPO POLISIAL KÒRSOU.  Tópiko: Tiramentu ku 4 detenshon

​KUERPO POLISIAL KÒRSOU
KOMUNIKADO DI KUERPO POLISIAL KÒRSOU

 no.: 345 / 2016

Fecha: 8 oktober 2016

Tópiko: Tiramentu ku 4 detenshon
 ________________________________________

Djasabra mardugá alrededor di 06.00’or, Sentral di Polis a risibí yamada di tiramentu ku tabata tuma lugá riba un kas den Bivak. Inmediatamente a dirigí unidat polisial na e adrès. Na e sitio polis a tuma nota di vários perforáshon di bala den muraya di e kas i tambe basta huls benta abou.

En konekshon ku esaki, Sentral di Polis a dirigí un otro unidat polisial pa Poli pa hasi investigashon si kualkier persona por a bin Poli ku herida di bala.

Kontinuando ku e investigashon, polis a para un outo den Kaya di Otrabanda pa kontrol i a nota mancha di sanger riba un di e portanan. En konekshon ku esaki polis a detené e hòmbernan E.C.A. nasé na Kòrsou di 27 aña di edat, R.J.F. nasé na Sürnam di 18 aña di edat i S.PC. nasé na Colombia di 20 aña di edat, ku tabata den e outo. Despues di esaki e unidat polisial a bin topa ku un otro outo den lugá di stashoná outo pariba di un hotèl den Kaya di Otrabanda tambe ku mancha di sanger.

En konekshon ku esaki polis e detené e di 4 sospechoso J.C.J. nasé na Kòrsou di 25 aña di edat den Poli.

Despues di a presentá e sospechosonan dilanti di un fiskal ouksiliar, a ordená enkarselamentu di nan pa mas investigashon. E investigashon den e kaso ta kontinuá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: