PPA TA PROPONE UN ‘SAN NICOLAS HISTORICAL & MULTICULTURAL MUSEUM’ PA PROJECTA E HISTORIA COMPLETO DI SAN NICOLAS

BENNY NISBET (PPA):
PPA TA PROPONE UN ‘SAN NICOLAS HISTORICAL & MULTICULTURAL MUSEUM’ PA PROJECTA E HISTORIA COMPLETO DI SAN NICOLAS !!’
E museum lo worde construi basa riba e ‘helm’ di trahado di refineria den pasado !!
Durante e conferencia di prensa di partido PPA di diaranzon 19 di juli, Lider politico di PPA sr. Benny Nisbet a dedica atencion na e vision di PPA pa San Nicolas esta ‘San Nicolas our Caribbean Town’ den cuadra di splica algo di e ‘AGENDA FOR SAN NICOLAS’ di partido PPA.
El a splica cu segun e humilde opinion di PPA ningun di e museumnan existente na San Nicolas no ta projecta e historia real di San Nicolas. PPA ta kere cu tin un potencial enorme scondi den e historia multicultural di San Nicolas.
Den e cuadra aki partido PPA a larga traha un concepto pa e Museum specifico aki basa riba e ‘helm’ di un trahador di e refineria den pasado. E Helm aki unavez construi lo bira e Museum Historitco multicultural di San Nicolas.
Lider di PPA a sigui splica cu una vez paden e Helm aki lo worde reparti den e sigiente parti:
1. Primera un hal pa ricibi bishitante basta amplio !
2. Ora drenta e prome sala lo bo mester drenta den e epoca di San Nicolas 1800 pa 1875.
Segun Lider di PPA Benny Nisbet lo bo sinti e ambiente di e apoca aki projecta den e sala menciona. E sala aki lo worde dedica na e famianan mas bieeuw di San Nicolas.
3. Seguidamente lo bo drenta sala number 2 cual lo ta San Nicolas den epoca di Phosphaat di 1987 pa 1914 durante cual epoca un compania britanico a bin exploita phosphaat na Seroe Colorado cual epoca realmente a cambia San Nicolas. E compania a logra pa gobierno colonial trece 60 trahador for di Corsow y Bonaire y varios for di Europa e.o. Italia cual algun a keda tras y a forma famia basta bieuw riba nos Isla. Segun Lider di PPA e meta ta pa bo sinti bo mes den e epoca di phosphaat.
4. Sala number 3 lo ta e sala di e epoca di refineria cu ta di 1927 pa 1985 despues sigui pa mas compania petrolero ….Bo lo topa cu Lago OiL & Transport Company, Coastal Refining Company, El Paso, Valero….! Durante periodo di Lago Oil lo bo sinti y mira con San Nicolas tabata durante e epoca aki cu cuadranan grandisimo di e refineria, e LAGO commissary, Lago Sport Park, E golfcourse, Colony den Seroe Colorado, LAGO hospital etc…. lo bo mira San Nicolas cu su Mercado y mucho mas….Nos lo projecta San Nicolas exactamente manera e tabatata pa tur bishitante y local saboria e epoca aki.
5. Seguidamente lo drenta sala number 4 cual lo ta dedica na TUR migrante cu a bin di exterior pa traha pa LAGO OIL & TRANSPORT COMPANY…..!! Den e sala aki kada pais/isla for di unda migrante a bin lo worde reconoci …. Lo bo hanja skina dedica na e pais/islanan aki cu informacion di e Isla di e periodo encuestion y nomber di mas tanto ‘migrante’ cu a biba y traha den LAGO naturalmente nomber di e arubianonan tambe lo worde presenta!!
6. Sala number 6 lo ta un sala den cual lo projecta diferente vision pa varios posibilidad pa desaroyo di San Nicolas den futuro.
Lider di PPA a accentua cu PPA ta kere den e potencial enorme cu tin scondi den historia y cultura di nos pais. Na oranjestad PPA ta boga pa un MUSEUM NACIONAL DI ARUBA basta riba historia complete di nos pais. Na San Nicolas e SAN NICOLAS HISTORICAL & MULTICULTURAL MUSEUM lo contribui na e producto turistico di pais Aruba en general y San Nicolas en particular.

PPA su meta ta pa duna San Nicolas e oportunidad di projecta su mes na turistanan como ‘San Nicolas Our Caribbean City’ y den e cuadra aki e museum aki di historia completo di San Nicolas lo pas formalmente. Nos ta contribui pa hiba San Nicolas na e proximo nivel y den un proximo conferencia di prensa PPA lo presenta mas di nos vision pa desaroyo di San Nicolas.

Aruba, 19 di juli 2017 Lider Politio di PPA
BENNY NISBET

This site uses Akismet to reduce spam. Learn how your comment data is processed.

error: Content is protected !!
%d bloggers like this: