Maneho di edifisionan di gobièrnu

Aan: Minister van VVRP

Sr. C. Cooper

Berg Arrarat

Presente

 

Kòrsou, 14 yüli 2023

 

Tópiko: Maneho di edifisionan di gobièrnu.

Apresiable minister Cooper,

Nos a tuma nota ku den wikènt dia 8 di yüli  2023, tabatin un kandela banda di e edifisio di Bestuurscollege anterior ku Gabinete Rhuggenaath a proponé  pa  kambia su destinashon i  hasi esaki e edifisio di Ministerio di Enseñansa, Siensia, Kultura i Deporte.

Dia 8 di novèmber 2022 Parlamento a pasa un moshon pa usa e montante di benta di terenonan na J.B. Gorsiraweg pa por kuminsá drecha Landhuis Sòrsaka i te ainda nos no ta mira ningun moveshon di  Ministerio di VVRP.  Esaki pa rasonnan di seguridat i mal estado, lo mester wòrdu drecha.

Ministerio di VVRP su departamento di Domeinbeheer tin e responsabilidat pa e restourashon i mantenshon di e edifisionan di gobièrnu.

Dia ku Minister Cooper a asumí e posishon aki, tabatin plan kla ku lo a keda ehekutá pa loke ta trata ta edifisionan, tereno i otro propiedatnan di gobièrnu. Te ainda, despues di 2 aña  ku minister ta sintá nos no a mira kiko a kristalisá pa loke ta e plannan pa mehora  i òf  mantené edifisionan ku ta propiedat di gobièrnu, esta propiedatnan di pueblo.

Durante e krísis di Covid-19, Gabinete Rhuggenaath su prioridat tabata pa salba bida i mantené pan riba mesa di e pueblo di Kòrsou, no tabata tin espasio pa mantené edifisionan riba un base regular.

Awor ku Gabinete Pisas tin 2 aña ta goberná i Kòrsou a konosé kresementu ekonómiko i mas entrada di impuesto bèk, no a mantené kasi ningun edifisio riba un base regular i nos tin miedu ku e edifisionan  aki riba término korto lo dekaí.

Ta importante ku Minister Cooper por informá parlamento ta kiko ta e plan pa e edifisio aki i  riba kua término tin pensa pa hasi e restourashon nesesario pa e edifisio aki i tur otro ku ta kai bou di maneho di VVRP.

Den e kuadro aki  nos ke pidi un  vragenuur a base di artíkulo 96a riba e tópiko:  Maneho di edifisionan di gobièrnu òf instituto nashonal.

Den e vragenuur aki lo mi ke mira e siguiente preguntanan kontesta:

1. Den añanan ku a transkurí tabatin vários kandela na edifisionan i propiedatnan di gobièrnu/propiedat di pueblo; manera edifisio di impuesto/ontvanger, edifisio di Centro Pro Arte etc. Minister a tuma nota di e kandela ku tabatin den besindario di e edifisio di ántes Bestuurscollege (Concordiastraat)? Kiko ta bai pasa ku e edifisio di Bestuurscollege aki? Kua plan tin kuné? Kon ta bai evitá ku mas edifisio di gobièrnu/pueblo ta bai pèrdí?
2.      Kon leu ta ku ehekushon di e plan pa drecha Landhuis Sòrsaka     ? Kiko minister a hasi ku e moshon di dia 8 novèmber 2022, ku a keda  tumá      ku voto general pa renobá e edifisio aki ku sèn di benta di tereno  ku K     onsulado M     erikano?
3. Kiko ta bai sosodé ku e edifisio di Landhuis Kortijn?
4. E edifisio den kua Biblioteka Nashonal tabata situá a wòrdu traspasá pa Biblioteka Nashonal?
5. Kon leu e plan pa renobá edifisio di Korte na Wilhelminaplein ta?
6. Kon leu e plan pa maneho di edifisionan i propiedatnan di gobièrnu ta: e asina yama ‘vastgoedmaatschappij’? Nos lo por risibí e plan aki?
7. Nos por risibí un lista di edifisionan di gobièrnu ku ta para bashí? Tambe un lista di inventarisashon di e estado aktual, e balor di esakinan i kuantu a      kalkulá ku e mantenshon i restourashon di kada unu lo kosta?

Nos ta gradisí minister di antemano pa presentá na e vragenuur aki.

Atentamente

Zita Jesus Leito MBA

Miembro di Parlamento, Partido Alternativa Real