Kondena di 18 aña pa asesinato di Shantienne Frans

Korte di Hustisia na Rotterdam a sentensiá Reinaldo M. (22) i Cleiton A. (21) na 18 aña di prizòn pa kada un pa asesinato di Shantienne Frans (34).

Na luna di mei 2022 e viktima a keda asesiná na momentu ku el a sali su kas na Persoonshaven. E agresor, Reinaldo M. a keda señalá na momentu ku el a drenta un BMW shinishi ku a kore bai na velosidat haltu for di e sitio. Mas lat a haña e vehikulo aki na kandela mientras e okupantenan a hui riba un scooter. Den e vehikulo kimá a enkontrá parti di un handschoen ku DNA di Cleiton A., igual a enkontrá su DNA riba hulsnan ku a keda enkontrá na e sitio di e delito.

Shantienne Frans ta ruman di Merwin ‘Junny’ Frans ku a keda asesiná na luna di mei 2020.