KOMUNIKADO DI KUERPO POLISIAL KÒRSOU Detenshon pa violashon di Lei di Arma di Kandela.

KOMUNIKADO DI KUERPO POLISIAL KÒRSOU
252 / 2017
19 yüli 2017
Detenshon pa violashon di Lei di Arma di Kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 19 di yüli 2017, alrededor di 12.05 or di mèrdia, e tim speshalisá ku ta sostené e Timnan di Mantenshon di órden Públiko durante nan patruya den área di Kirindongo Abou a topa ku un hòmber konosí pa nan den un outo. Na momentu ku e hòmber aki a nota presensia di e patruya e la baha for di e outo i kore drenta kurá di un kas i sigui bula den kurá di un otro kas. E hòmber aki a benta e tas ku e tabatin den su poder abou.
Polis a detené e hòmber aki, L.A.G. nasé na Kòrsou di 34 aña di edat. Den e tas ku e la benta abou polis a haña i konfiská un arma di kandela (pistol marka Beretta).
Tambe a konfiská e outo ku e tabata kore aden pa mas investigashon.
A presentá e sospechoso dilanti di un Fiskal Ouksiliar ku a ordená su enkarselashon pa mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: