50 Aña Brantwer Kòrsou
{50 Aña Brantwer Kòrsou}
UO Brandweer & Rampenbestrijding Curacao no ta solamente un kuerpo di emergensia. Nan ta un símbolo bibu di entrega sin kondishon, un brasa fuerte den momento di krísis, i un sintimentu di seguridat pa kada famia riba nos isla. For di un yamada pa un kas na kandela, te un akshon preventivo kontra riesgo di orkan, inundashon òf aksidente grandi — nos brantwer ta prepará pa tei presente i duna asistensia den tur momento. For di pòst na Barber i PRONTO na Banda Ariba, tur hende sa ku e kolo kòrá ta símbolo di speransa i trabou fuerte na momento di un kandela.
E balentia di un bombero ku, den ora ku tur hende ta kore sali for di peliger, nan ta kore drenta. E balentia di siña pa traha den situashonnan ku bo no por presedí, ku situashon ku por kambia den 1 sekònde, pero bo mester aktua ku frialdat, klaridat i efisiensia.
PABIEN ku boso 50 aña!