Touwboot Barakuda di KTK a sali pa Trinidad resientemente bou di komando di Rendell Victor.

Touwboot Barakuda di KTK a sali pa Trinidad resientemente bou di komando di Rendell Victor. Barakuda di KTK ta bai uni ku Mero, un touwboot ku ta na Trinidad for di febrüari ultimo, pa sostené e aktividatnan di NEC, National Energy Corporation of Trinidad & Tobago Ltd.

Na ougustus 2018, KTK i NEC a firma un MoU den kual ambos kompania a ekspresá nan intenshon pa uni forsa strategikamente pa sostené otro i pa eksplorá oportunidatnan Komersial nobo den region.

E kòntrakt nobo ta nifiká ku e asistensia di tou lo tuma lugá durante trabounan di tou na varios haf di Trinidad & Tobago pa un temporada di tres luna. Pa durashon di e kòntrakt un kapitan i un machinist lo permanesé a bordo di Barakuda.

Barakuda di KTK ta un touwboot moderno ku un kapasidat di tou 60 tòn, konstruí pa DAMEN na 2010. A bordo tin, apesar di kapitan Rendell Victor i hòmber na timón Ethelree Rellum, tambe machinistnan Clinton Janga i André Howell alabes marineronan Morandy Martina i Irvan Turner, ku ta manehá e boto den direkshon di Trinidad & Tobago.