Pronóstiko di tempu pa Kòrsou i bisindario bálido te djarason mainta 06:00 o.l, 25 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djarason mainta 06:00 o.l, 25 di sèptèmber 2019.
Kompilá: djamars 24 di sèptèmber 2019, 05:00 o.l. (09:00 UTC).

Tempu: Parsialmente nubla sin awaseru di kantidat signifikante. Anochi tin chèns pa un awaseru ku posibel welek i bos.

Temperatura máksimo lo alkansá 33 ºC, i temperatura mínimo di 24 ºC.
Solo ta sali 06:25 i ta baha 18:31 o.l.

Bientu: Di diferente direkshon i suak te moderá; forsa 2 pa 3 (7 pa 19 km/ora, 4 pa 10 nudo). Prinsipalmente den áwaseru, ráfaga te basta fuerte; forsa 4 te 5 (20 te 39 km/ora, 11 te 21 nudo). Den anochi, temporalmente mas kalmu.

Situashon general: Depreshon Tropikal Karen a bira un tormenta tropikal atrobe i ta move nort e parti nort-oriental di Laman Karibe . No opstante ku e siklon tropikal aki awor ta na un distansia basta alehá di nos isla, esaki ainda ta sigui afektá e fluho di bientu i wer den nos área. Bientu lo keda un poko suak i lo trese airu seku for di kontinente, esaki lo limitá desaroyo di awaseru. Mas aleu dor di e ménos bientu e sintimentu di kalor lo kontinuá durante di dia. Tambe awenochi áreanan di awaseru por desaroyá riba Venezuela kual por bin afektá nos, e áreanan aki por tin bos ku welek.

Kondishon di laman: Ketu te trankil ku altura di ola serka di 0.5 meter (2 pia).

Sistemanan signifikante di wer tropikal: Depreshon tropikal Karen, awor un Tormenta Tropikal situá riba Laman Karibe oriental, ta sigui move poko poko den direkshon nort, aserkando e region di Puerto Rico i islanan bírgen estadounidense. Tormenta Tropikal Jerry ta sigui sin muchu kambio riba laman habrí di Atlántiko. Tormenta Tropikal Lorenzo situá riba e sekshon ekstremo ost di Atlántiko Tropikal ta sigui krese den forsa, miéntras e ta sigui move di ost pa wèst. Ningun di e sistemanan tropikal aki ta un menasá direkto pa Kòrsou.

Fenómeno spesial: Ningun.

Perspektiva te djaweps mainta: Shelu lo ta tiki te hopi nublá i un bes mas tin posibilidat pa áwaseru ku bos i welek den anochi durante anochi.

Meteorólogo: Figueroa