Aklarashon relashoná kuGuardian Group Fatum

WILLEMSTAD/PHILIPSBURG — Centrale Bank van Curaçao en Sint Maarten (CBCS) a tuma nota di
algun informe resien den vários medio di komunikashon relashoná ku situashon finansiero di
propietario di Guardian Group Fatum. Mirando ku e tres kompanianan di seguro lokal Fatum
General Insurance N.V., Fatum Health N.V. i Fatum Life N.V. (operando bou di e nòmber Guardian
Group Fatum) ta forma parti di e grupo akí, CBCS ke aklará lo siguiente.
Tur tres kompania di seguro menshoná ta bou di supervishon di CBCS individualmente i ta kumpli
ku e normanan di stabilidat finansiero na e momento akí.
Ta trata aki di tres entidat hurídiko lokal kompletamente independiente. Kada un ta operá riba su
mes i ku su propio medionan finansiero. P’esei, situashon finansiero di e akshonistanan di Guardian
Group no tin niun efekto direkto riba solides finansiero ni riba operashon diario di Guardian Group
Fatum.
CBCS ta siguiendo e desaroyonan djaserka i lo tuma medida adekuá si ta nesesario.
Willemstad, 25 di yüli 2025
CENTRALE BANK VAN CURAÇAO EN SINT MAARTEN