AWA KU TA KEDA PARA DEN GRANAATAPPELWEG DOMINGUITO TA KEDA UN DOLOR DI KABES PA HABITANTENAN

 

Un biaha mas nos mester reporta riba e suseo ku ta tumando luga den Granaatappelweg Dominguito.
Nos ta kompronde ku gobiernu no tin sen i nan ta hasi nan maksimo pa por kumpli ku e demanda di drechamentu di kayanan riba nos dushi isla Korsou.

Pero komo suidadano nos tambe por duna remarke di loke no ta kanado muchu bon riba nos dushi isla Korsou.
Den siman e di 21 pa 25 juli 2025 ku ta siman pasa un team di kontratista di gobiernu a bin basha asfalt den e burakunan grandi ku tin den e hanchi Granaatappelweg Dominguito i ayera ku ta djabierne a tapa e ultimo buraku grandi, paso tabata tin buraku nan enorm den e hanchi ku tabata hasi hopi daño na vehikulonan ku ta pasa den e hanchi ku ta un bon trabou di parti di gobiernu.

Pero mester bisa aserka ku e bashamentu di asfalt aki pa tapa e burakunan ta solushon un parti di e problema.
E problema mes ta ku mester drecha e kaminda i nivela esaki pa awa por sigui su kaminda i bai den e rooinan den serkania ku lo sigui kanalisa e awa pa e por yega laman den area di Mari Pampeon i no pa e awa keda para kousa molester i keda daña e kaminda mas i mas.

Den pasado a wordu bisa ku ta pa falta di e bisiñanan e awa no por sigui su kaminda paso e kuranan ta haltu di tal forma i nan no tin buraku pa e awa por sigui su kaminda.

Pero si bo wak bon riba e video por tuma nota ku e awa no ta ni yega na e kura di kasnan ta paso e kaminda mes tin un hol (baha) den dje ku ta pone ku e awa ta keda para.
Riba e potret aki por tuma nota di algun di e asfalt ku a wordu basha ayera djabiernue i tambe ku e awa no ta yega na e kura di kasnan. I pa ta sinsero e asfalt ku a wordu basha den siman pasa tambe ta kor peliger ku e lo kita i ta bai tin burakunan mas grandi den e kaya.