Atrako

KUERPO POLISIAL KÒRSOU
KOMUNIKADO DI PRENSA
320/2025
8 ougùstùs 2025
Atrako
Djabièrnè 8 di ougùstùs 2025 alrededor di 03.54’or, Sentral di Polis a risibí informashon ku tabatin un kaso di atrako na un trùk di pan riba Caracasbaaiweg.
Mesora a dirigí unidatnan na e sitio i na yegada di e promé unidat, el a bin komprondé ku algun ratu promé tres hòmber kompletamente na pretu bistí a sorprendé trahadónan di e trùk aki ku intenshon probablemente pa tira atrako riba nan.
E trio sospechoso tabata den poseshon di un kuchú, palu i machete. Nan a menasá e trahadónan i a bai ku telefòn selular i un kantidat di plaka kèsh.
Despues di nan akto e sospechosonan a bati retirada.
Investigashon den e kaso aki ta kontinuá.
SIRBI I PROTEHÁ
