Aruba y Colombia kier fortalece laso comercial, logistica y desaroyo agricola
Aruba y Colombia kier fortalece laso comercial, logistica y desaroyo agricola
ORANJESTAD – Riba 4 di augustus 2025, Minister di Finansa, Asunto Economico y Sector Primario a tene un encuentro cu sra. Carolina Olarte Bácares, Embahadora di Colombia pa Reino Hulandes, sra. Patricia Cortes, Directora Europeo di Embahada di Colombia, sr. Gustavo Serrano Amaya, Consul di Colombia y Capitan di e Buque ARC Gloria, sr. Luis Fernando Lara Coqollo.
E reunion ta forma parti di un esfuerso di Gobierno di Aruba pa profundisa e relacion existente y formalisa cooperacion structural cu Colombia riba importancia strategico manera comercio, logistica maritimo y desaroyo di e sector primario.
Minister Wever a indica cu Aruba su presencia permanente mediante Holland House na Bogotá y e interes creciente di empresanan Arubano pa haci negoshi cu Colombia ta refleha un deseo real pa expande Aruba su laso comercial cu e pais bisiña. E misionnan comercial exitoso na 2023 tabata solamente un comienso.
