“Mama” – Un legado pa Punda

“Mama” – Un legado pa Punda

Ayera nos a tene un momento ku lo keda skibi den historia di nos isla. Ku masha orguyo i gratitut e keda desvelá e último obra di Sra. Hortence Brouwn – “Mama”.

Na su 87 aña, Sra. Brouwn a kapturá den brons e alegria i kalor ku ta karakterisá nos komunidat. “Mama” no ta solamente un eskultura — e ta un símbolo di inspirashon, union i amor pa Kòrsou.

E legado aki lo keda pa generashon tras di generashon, uni pueblo, stimulá nos orguyo i mustra e bunitesa ku arte por krea.

Komo Minister di Enseñansa, Siensia Kultura i Deporte mi ta yama Sra Brown masha danki pa e regalo asina balioso pa nos pueblo, i danki na tur ku a kontribuí pa logra e momento spesial aki.