Pronóstiko di tempu pa Kòrsou i bisindario bálido te djasabra mainta 06:00 o.l., 16 di ougùstùs 2025.

 

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 16 di ougùstùs 2025.
Kompilá: djabièrnè 15 di ougùstùs 2025, 05:00 o.l. (09:00 UTC).

Tempu: Parsialmente nublá i posibilidat menor pa un yobida pasahero.

Temperatura máksimo lo alkansá 33ºC i temperatura mínimo 27ºC.
Solo ta sali 06:24 i ta baha 18:56 o.l.

Bientu: Suitost te ost  i moderá; forsa 2 te 4 (7 te 30 km/ora, 4 te 16 nudo). De bes en kuando basta fuerte den ráfaga; forsa 5  (31 te 39 km/ora, 17 te 21 nudo).

Situashon general: Durante oranan di mardugá i mainta, entrada di humedat lo mehorá kondishon atmosfériko pa formashon di nubianan den nos region. Esaki sostené pa ola tropikal den nos bisindario, na su turno lo por trese temporalmente un yobida pasahero riba sierto parti di Kòrsou i bisindario. Apesar di esaki, no ta premirá masha aktividat di áwaseru signifikante durante di gran parti di e dia riba nos isla. E régimen di bientu lo disminuí den e próksimo 24 ora i lo bira kalmu e wikènt aki.

Kondishon di laman: Trankil ku altura di olanan entre 0.5 i 1 meter (2 i 4 pia).

Sistemanan signifikante di wer tropikal: Tormenta tropikal Erin ta situá ost di e islanan nort den Karibe i ta sigui den direkshon move wèst nortwèst i probablemente lo bira un orkan durante awe djabièrnè. Tormenta tropikal Erin lo no ta un menasa pa Kòrsou.

Fenómeno spesial: Ningun.

Perspektiva te djadumingu mainta: Parsialmente te hopi nublá ku chèns pa áwaseru, welek i bos. Alabes bientu lo ta kalmu durante wikènt.

Meteorólogo: Correa.